Numeri 33:1 - AHYERƐLƐ KRONGRON

¹ Yisraelfoɛ tuli bɛ bo koɛhonɛfoɛ kure kure fili Misraim aseɛ so, bɔ né Mose ne Aarɔn la bɛ noa ne, nekaa ahoroɔ bɔ bɛkyekyele asikyeleɛ mɔ ɛhe.

Numeri 33:1 Iomraidhean Croise

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Ɛksadɔso 12:37

Yisraelfoɛ tu fili Ramese bɛhɔle Sukote. Mmienzua kɔyɛ apee ɛyaa nzia yeɛ bɛfale ase bɛhɔle ɔ; banga mmrasua ne ngwadaa bammoka so.

Ɛksadɔso 12:41

Na kyẽa bɔ afoɛ ɛyaa nna ne aburasa ne sone ne, AWURADE mmenia ne amukoraa tu fili Misraim aseɛ so.

Ɛksadɔso 12:51

Na AWURADE yele Yisraelfoɛ ɛlɔen kure kure ne fili Misraim aseɛ so sɔ kyẽa ne.

Ɛksadɔso 13:18

Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Ɛksadɔso 6:26

Aarɔn ne Mose ole mmenia bɔ AWURADE ha hyirele bɛ kyɛ, “Ɛ́mɔye Yisraelfoɛ béfi Misraim aseɛ so, kyɛbɔ bɛ kure kure si te ɔ.”

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Numeri 33:2

Mose hyerɛhyerɛle nekaa ahoroɔ bɔ betuli bɛ bo befili ne, kyɛbɔ AWURADE hyɛle bɛ ne. Na nekaa ahoroɔ bɔ betuli bɛ bo befili nemɔ ɛhe.

Yosua 24:5

Afei nzomane Mose ne Aarɔn, na nikyee bɔ nyɔle ye wɔ Misraim ne, ɔmane ɛhawo pirikua wale berɛ. Na ɛhe asi ne, nyele ɛmɔ mvili berɛ.

1 Samuel 12:8

Mmerɛ bɔ Yakob hɔle Misraim ne, [Misraimfoɛ hyɛle bɛ so] ɛmɔ nana mɔ sũ frɛle AWURADE, na AWURADE somane Mose ne Aarɔn maa bɛɛyele ɛmɔ nana mɔ befili Misraim, na ɔmaa bɛɛtenane wa.