Numeri 32:5 - AHYERƐLƐ KRONGRON

⁵ Bɛtoale so kyɛ, “Sɛ anya alo yɛ de a, ye de maa bɛfa aseɛ ye bɛma wɔ ngoaa ma ɔyɛ yɛ agyapadeɛ. Nnɛmaa yɛpɛ asue Yɔɔdan yɛkɔ ye si.”

Numeri 32:5 Iomraidhean Croise

Gyenesise 19:19

O, anwu w’akoaa anwumvoin, na alo me paa amaa manya me ti madidi nu. Nakoso mengɔhora nwati kɔ mmokaa ne anu dɔ; annea a né sɔ amaneɛ ne ato me atunu amaa mawu.

2 Samuel 14:22

Yoabo tole ye nwo yele aseɛnwo berɛ, ɔfale ye nyunu butuli berɛ wɔ Dawide nyunu, na ɔsrɛle Nyameɛ saleɛ mane Nana Dawide. Osele kyɛ, “Nana, me mene, ɛnɛ kyẽa ye, wɔ somvoɛ, manwu ye kyɛ ale me ato nu, ofikyɛ Nana, ayɔ wɔ somvoɛ abisadeɛ ama ye.”

Ɛseta 5:2

Nana Ahasuro nwuni Nana hemmaa Ɛseta kyɛ ogyi ahemvie ne akunu berɛ pɛ, ye nwo yɛle ye ahomeka, na ɔtengyɛle sikaa kɔkorɛ hɔtɔ bɔ otira ye ne wɔ Ɛseta so. Ɛseta pingyele ye nwo berɛ, na ɔfale ye sa hane ɛhɔtɔ ne ti.

Yeremia 31:2

AWURADE nwa nyoo: Bɛ bɔ benyane bɛ ti bedidili nu befili ngrandɛ noa ne, benyane adom wɔ ɛserɛ so, mmerɛ bɔ mmane Yisrael nyane ye nwome lele ne.

Numeri 32:4

AWURADE lili sɔ aseɛ nemɔ aso ngonim wɔ Yisraelfoɛ nyunu. Ɔte aseɛ paa ma nyɛmmoa, na wɔ ngoaa koso yɛle nyɛmmoa.”

Numeri 32:6

Nakoso Mose bisale Gadefoɛ ne Rubenfoɛ kyɛ, “Aso odi kyɛ ɛmɔ aliɛma mɔ kɔ koɛ ma ɛmɔ de ɛmɔtena wa?

Deuteronomi 1:37

Ɔnate ɛmɔ ti, me koso AWURADE ahone huli me so, na osele kyɛ, ‘Wɔ koso, wɔ gya baa ngotia berɛ.

Yosua 7:7

Na Yosua sele kyɛ, “O, AWURADE Nyameɛ! Nzu ati koraa yeɛ ɛfale maen he pɛle asue Yɔɔdan ɔ, kyɛ ɛbaafa yɛ wura Amorifoɛ sa maa bekuku yɛ ɔ? Sɛ né yɛse po a, ahaa yɛhale Yɔɔdan si dɔ!

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”