Numeri 32:4 - AHYERƐLƐ KRONGRON

⁴ AWURADE lili sɔ aseɛ nemɔ aso ngonim wɔ Yisraelfoɛ nyunu. Ɔte aseɛ paa ma nyɛmmoa, na wɔ ngoaa koso yɛle nyɛmmoa.”

Numeri 32:4 Iomraidhean Croise

1 Aberɛso Dwirɛ 4:41

Na Yuda hene Hesekia aberɛ so, bɛ bɔ babobɔ bɛ dumaa ye, bɛfale koɛ bɛɛtetale Ham boso ama nemɔ ne Meyunimfoɛ bɔ benwuni bɛ wɔ berɛ ne, na bɛsɛkyele b’ɛtena sua mɔ. Benuane bɛ boso maa waadwu ɛnɛ, na bɛfale b’aseɛ ne bɛtenane so, ofikyɛ benwuni kyɛ né bekonya aleɛ wɔ berɛ bɛkɔma bɛ nyɛmmoa mɔ.

Yeremia 50:19

Ngosa ngɔfa Yisrael ngɔhɔ ye atenaleɛ, na okodidi wɔ Kamɛl ne Basan’. Ye kra ko koyi wɔ Efraim bokaa ne Gileade bokaa so.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Numeri 21:24

Yisrael le ngrandɛ huni ye, na bɛfale ye aseɛ ne fite asue Anɔn kɔpem Yabɔko, toonn kɔpem Amorifoɛ nemɔ dɔ; ofikyɛ né Amorifoɛ nemɔ abɔ b’ɛwɛen ne anwo waen pambee.

Numeri 21:34

Nakoso AWURADE sele Mose kyɛ, “Nnɛsuro ye, ofikyɛ mafa ye mawura wɔ sa, ɔne ye mmenia amukoraa ne ye aseɛ amukoraa. Na kyɛbɔ ɛyɔle Amori hene Sihon bɔ né odi bia wɔ Hesebon ne, sɔ ala yeɛ ɛkɔfa kɔyɔ ye ɔ.”

Numeri 21:35

Yiti Yisraelfoɛ huni Ogo ne ye mma mmienzua mɔ, ɔne ye mmenia ne amukoraa, bɔ yeɛ sona komapɛ po wanga ɔ. Na bɛfale ye aseɛ ne bɛyɛle bɛ deɛ.

Numeri 32:5

Bɛtoale so kyɛ, “Sɛ anya alo yɛ de a, ye de maa bɛfa aseɛ ye bɛma wɔ ngoaa ma ɔyɛ yɛ agyapadeɛ. Nnɛmaa yɛpɛ asue Yɔɔdan yɛkɔ ye si.”

Deuteronomi 4:38

Na ɔfoane maen maen bɔ bɛ mbiri ne b’anwoserɛ tra wɔ ɔ fili wɔ nyunu, kyɛ ɔ́fa wɔ batena b’aseɛ so, ná ɔfa ma wɔ maa ɔyɛ wɔ deɛ, kyɛbɔ kekesaala ye ɔte ye.