Numeri 32:33 - AHYERƐLƐ KRONGRON

³³ Amorifoɛ hene Sihon ye ahennie ɔne Basan hene Ogo ye ahennie: b’aseɛ ne bɛ nguro, ɔne nguro bɔ wapɛ bɛ nwo wayia nemɔ aseɛ ne, Mose fa mane Gadefoɛ, Rubenfoɛ ɔne Yosef awa Manase abusua kure ne bue.

Numeri 32:33 Iomraidhean Croise

1 Aberɛso Dwirɛ 12:31

Manase abusua kure ne bue, bɛyele koɛhonɛfoɛ apee buru ne mmɔtwɛ kyɛ bɛɛboka maa bɛfa Dawide besie bia so.

1 Aberɛso Dwirɛ 26:32

Nana Dawide tuli Yeriya ne ye abusuafoɛ, bɔ bɛte mmienzua apee nyɔ ɛyaa nzoo, bɔ bɛte titire bɔ bɛlela mmusua mmusua noa ɔ, kyɛ bɛnea Rubenfoɛ, Gadefoɛ ne Manase abusua kure ne bue ne aso wɔ bɛ nikyee biala bɔ ɔfa Nyameɛ ne Nana Dawide nwo ɔ.

1 Aberɛso Dwirɛ 5:18

Rubenfoɛ, Gadefoɛ, yeɛ Manase abusua kure ne bue, né bele koɛhonɛfoɛ ahoneserɛfoɛ apee aburanna ne nna, ɛyaa nzoo ne aburasia bɔ bele buralɛ ataadeɛ ne ngrandɛ, betira agyaen, bɛse ko, bɔ basiesie bɛ nwo kyɛ koɛ ba a, bɛkɔhɔ ɔ.

Numeri 32:1

Né Ruben boso ama mɔ ne Gade boso ama mɔ bele nyɛmmoa pee paa. Mmerɛ bɔ Gadefoɛ ne Rubenfoɛ nwuni kyɛ Yasere aseɛ ɔne Gileade aseɛ te paa ma ngaka sielɛ ne,

Numeri 32:32

Yɛkɔfa yɛ akodeɛ, yɛkɔpɛ asue ne AWURADE nyunu yɛkɔhɔ Kaanan aseɛ so. Nakoso y’aseɛ bɔ yanya ye wɔ asue Yɔɔdan bue faen ne, ɔkɔhɔ so kɔyɛ yɛ deɛ.”

Numeri 34:14

Ofikyɛ Rubenfoɛ abusua kure bɛ nana mɔ sasofoɛ, bɛ ne Gadefoɛ abusua kure bɛ nana mɔ sasofoɛ, yeɛ Manase abusua kure ne bue de, bale b’aseɛ deɛ.

Numeri 34:15

Sɔ mmusua kure nyɔ ne bue ne, bale b’aseɛ deɛ wɔ Yɔɔdan bɔ opingye Yeriko ne, ye si dɔ, wɔ eyia afiteleɛ.

Deuteronomi 29:8

Yɛfale b’aseɛ ne, na yɛfa yɛmane Rubenfoɛ, Gadefoɛ ne Manase abusua kure ne bue maa ɔyɛle b’agyapadeɛ.

Yosua 12:1

Aseɛ ne aso ahemvo bɔ Yisraelfoɛ lili bɛ so ngonim, bɔ Yisraelfoɛ fale b’aseɛ bɛtenane so wɔ asue Yɔɔdan si, wɔ eyia afiteleɛ bue nu dɔ, fite Anɔn Bɔnza ne anu bɔ ɔkwaadwu Hɛmɔn bokaa ne anwo, ɔne Araba bɔ ɔwɔ eyia afiteleɛ amukoraati ne, bɛ ɛhe:

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.

Yosua 14:3

Ofikyɛ abusua nyɔ ne bue bɔ bɛwɔ Yɔɔdan si dɔ ne, né Mose ali moa wafa b’agyapadeɛ deɛ wama bɛ; nakoso Lewifoɛ de, wamma bɛ agyapadeɛ biala.

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 22:7

Manase abusua kure ne bue ko ne, né Mose ali moa wafa b’aseɛ deɛ wama bɛ wɔ Basan. Na sɔ abusua ne bue ko bɔ waha ne wora, Yosua fale aseɛ bɔ ɔwɔ b’eliɛma mɔ Yisraelfoɛ deɛ nu mane bɛ, wɔ asue Yɔɔdan eyia atɔleɛ. Mmerɛ bɔ Yosua baayakyi bɛ ate maa bɛkɔ nen, oyirale bɛ,

1 Samuel 13:7

Hebrifoɛ biemɔ pɛle asue Yɔɔdan bɛhɔle Gade ne Gileade aseɛ so. Né Sɔɔlo tɛ wɔ Gilgal, na mmenia ne amukoraa bɛfale ahunundetelɛ belili ye si.