Numeri 32:32 - AHYERƐLƐ KRONGRON

³² Yɛkɔfa yɛ akodeɛ, yɛkɔpɛ asue ne AWURADE nyunu yɛkɔhɔ Kaanan aseɛ so. Nakoso y’aseɛ bɔ yanya ye wɔ asue Yɔɔdan bue faen ne, ɔkɔhɔ so kɔyɛ yɛ deɛ.”

Numeri 32:32 Iomraidhean Croise

Lewitikɔso 14:34

“Sɛ ɛmɔbadwu Kanaan aseɛ bɔ méfa méma ɛmɔ maa ɔyɛ ɛmɔ deɛ ne aso, ná sɛ mema kwata anwonyerɛ pe awuro bie anu wɔ aseɛ bɔ ɛmɔ sa baahã ye ne aso a,

Numeri 32:19

Yɛ ne bɛ ngɔhyɛ Yɔɔdan si dɔ aseɛ ne, ofikyɛ yɛ sa aha yɛ agyapadeɛ deɛ wɔ Yɔɔdan ye bue faen bɔ ɔkɔ eyia afiteleɛ dɔ ne.”

Numeri 32:31

Gadefoɛ ne Rubenfoɛ nemɔ buale kyɛ, “Kyɛbɔ AWURADE aha ahyire wɔ ngoaa ne, sɔ ala yeɛ yɛkɔyɔ ɔ.

Numeri 32:33

Amorifoɛ hene Sihon ye ahennie ɔne Basan hene Ogo ye ahennie: b’aseɛ ne bɛ nguro, ɔne nguro bɔ wapɛ bɛ nwo wayia nemɔ aseɛ ne, Mose fa mane Gadefoɛ, Rubenfoɛ ɔne Yosef awa Manase abusua kure ne bue.

Numeri 34:15

Sɔ mmusua kure nyɔ ne bue ne, bale b’aseɛ deɛ wɔ Yɔɔdan bɔ opingye Yeriko ne, ye si dɔ, wɔ eyia afiteleɛ.

Deuteronomi 1:1

Edwirɛ bɔ Mose hã hyirele Yisraelfoɛ amukoraati wɔ asue Yɔɔdan si, wɔ ɛserɛ ne aso ɛhe. Né bɛ nye kyire Sufe aseɛ frɛtɛɛ, bɔ ɔwɔ Paran, Tofel, Laban, Haserote ne Disahabo b’afia ne.

Deuteronomi 29:8

Yɛfale b’aseɛ ne, na yɛfa yɛmane Rubenfoɛ, Gadefoɛ ne Manase abusua kure ne bue maa ɔyɛle b’agyapadeɛ.

Deuteronomi 3:12

“Yɛ sa hane aseɛ ne sɔ mmerɛ nen, mvale Aroye sorɔ dɔ mane Rubenfoɛ ne Gadefoɛ. Mekyire aseɛ bɔ ɔla Anɔn bɔnza ne anu dɔ, ɔne Gileade mmokaa aseɛ ne bue, ɔne ye nguro mɔ.

Yosua 12:1

Aseɛ ne aso ahemvo bɔ Yisraelfoɛ lili bɛ so ngonim, bɔ Yisraelfoɛ fale b’aseɛ bɛtenane so wɔ asue Yɔɔdan si, wɔ eyia afiteleɛ bue nu dɔ, fite Anɔn Bɔnza ne anu bɔ ɔkwaadwu Hɛmɔn bokaa ne anwo, ɔne Araba bɔ ɔwɔ eyia afiteleɛ amukoraati ne, bɛ ɛhe:

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.