Numeri 32:29 - AHYERƐLƐ KRONGRON

²⁹ Na Mose sele bɛ kyɛ, “Gadefoɛ ne Rubenfoɛ, bɔ bɛ nu biala waboaboa ye nwo kyɛ ɔkɔ koɛ ma AWURADE ne, sɛ bɛ ne ɛmɔ pɛ asue Yɔɔdan ná ɛmɔkodi aseɛ ne aso ngonim a, ye de ɛ́mɔfa Gileade aseɛ ne bɛ́ma bɛ ma ɔyɛ b’agyapadeɛ.

Numeri 32:29 Iomraidhean Croise

Numeri 32:17

Nakoso yɛkɔfa akodeɛ yɛkoli Yisrael ama anyunu yɛkɔɔho, kɔpem kyɛ yɛkɔfa bɛ yɛkodwu b’aseɛ so ɔ. Sɔ mmerɛ ne, ɔnate porɛ ye anu mmenia ne ati, yɛ ngwadaa mɔ kɔtena nguro bɔ yabɔ bɛ nwo waen nemɔ anu.

Numeri 32:28

Yiti ahyɛdeɛ bɔ ɔfa Gadefoɛ ne Rubenfoɛ nwo ne, Mose ha hyirele ɔsɔfo Eleasa, Nun awa Yosua, ɔne Yisrael mmusua kure nemɔ bɛ nana mɔ sasofoɛ mbanyi nemɔ.

Numeri 32:30

Nakoso sɛ bamva b’akodeɛ bɛ ne ɛmɔ bangɔambɛ asue Yɔɔdan a, ye de odi kyɛ bɛ ne ɛmɔ nya agyapadeɛ wɔ neka horɛ wɔ Kanaan aseɛ so.”

Yosua 12:6

AWURADE somvoɛ Mose ne Yisraelfoɛ lili bɛ so ngonim, na AWURADE somvoɛ Mose hyɛle b’aseɛ ne mane Rubenfoɛ, Gadefoɛ ne Manase abusua kure ne bue.

Yosua 13:11

Yeɛ Gileade, Gesurefoɛ ne Maakatifoɛ aseɛ, Hɛmɔn bokaa ne amukoraa, Basan amukoraa bɔ ɔkwaadwu Saleka ne.

Yosua 14:3

Ofikyɛ abusua nyɔ ne bue bɔ bɛwɔ Yɔɔdan si dɔ ne, né Mose ali moa wafa b’agyapadeɛ deɛ wama bɛ; nakoso Lewifoɛ de, wamma bɛ agyapadeɛ biala.

Yosua 18:7

Lewifoɛ mɔ de, bengonya aseɛ biala wɔ ɛmɔ nu, ofikyɛ AWURADE sɔfolilɛ adwuma ne yeɛ ɔte b’agyapadeɛ ɔ. Na Gade abusua kure, Ruben abusua kure, ɔne Manase abusua kure ne bue de, banya b’agyapadeɛ deɛ wɔ Yɔɔdan si eyia afiteleɛ, na sɔ aseɛ ne yeɛ AWURADE somvoɛ Mose fa mane bɛ ne.”

Yosua 22:9

Yiti Rubenfoɛ, Gadefoɛ ne Manase abusua kure ne bue yakyili Yisraelfoɛ ngaa ne wɔ Silo, bɔ ɔwɔ Kanaan aseɛ so. Na besili nu kyɛ besa bɛkɔ Gileade bɔ ɔte bɛ bɔbɔ b’aseɛ ne aso; aseɛ bɔ begyinane AWURADE ahyɛdeɛ bɔ ɔnate Mose so bɛfale ne.

Maenbulɛfoɛ 10:3

Tola wue asi ne, Gileadeniɛ Yari tuli ye nwo siele berɛ buli Yisrael maen ne afoɛ aburanyɔ ne nyɔ.

1 Samuel 18:17

Afei Sɔɔlo sele Dawide kyɛ, “Nea, mma brasua panyi Merabo ɛhe. Ngɔfa ye ngɔmaa ekogya, nakoso sana etu wɔ nwo sie berɛ ma me, ná ɛko AWURADE koɛ ne.” Né Sɔɔlo adwene ole kyɛ, “Me de, mengɔfa me sa mengɔhã ye; Filistifoɛ yeɛ mekuro kyɛ beku ye ɔ.”