Numeri 32:23 - AHYERƐLƐ KRONGRON

²³ Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Numeri 32:23 Iomraidhean Croise

Gyenesise 13:13

Né Sodomfoɛ te amumuyɛɛfoɛ, bɔ bɛyɔ bɔne mbirikua mbirikua betia AWURADE ɔ.

Gyenesise 4:7

Aso ɛyɔ bɔ ɔte paa a, engonya animnyam? Nakoso anyɔ bɔ ɔte paa ne ati, bɔne tetɛ wɔ w’anoa nu berɛ. Ɔpena kyɛ onya wɔ nwo ate, nakoso odi kyɛ edi ye so”

Gyenesise 44:16

Na Yuda buale kyɛ, “Nzikyɛ yeɛ yɛkã yɛkyire me mene ɔ? Nzikyɛ dwirɛ yeɛ yɛkã ɔ? Yɛyɛ sɛɛ né yasa yɛ nwo? Nyameɛ ama wɔ ngoaa nwo ala so; yayɛ me mene ngoaa, yɛ ne sona bɔ benwuni kulie ne wɔ ye dɔ ne yeɛ yayɛ ngoaa ɔ.”

2 Samuel 3:39

Ɔwɔ nu kyɛ bapopa me ngoo bafa me basi hene de, nakoso ɛnɛ de, Seruya mma nemɔ bama me nwo ahyere me. Sɔ mmenia hemɔ, mebɔ bɛ kyɛnn so a ɔmmɔ. Na sona bɔ ɔyɔ bɔne ne, AWURADE kotua ye kerɛ kyɛbɔ ye bɔne yɔleɛ te ɔ!”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

1 Ahemvo 2:33

Bɛ mogya kɔbɔ Yoabo ne ye boso ama bɛ ti so afebɔɔ. Nakoso Dawide ne ye boso ama, ɔne ye awuro ama, ɔne ye ahennie bia de, AWURADE asomdwee kɔyɛ bɛ deɛ afebɔɔ.”

Edwein 139:11

Sɛ mekã kyɛ, “Amba, awosii ɔbra ɔɔkata me so, ná kanea bɔ wapɛ me nwo wayia ne, ɔkakyi kɔngɔen” a,

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Edwein 90:8

Afa y’amumuyɛɛ agua wɔ nyunu, na afa yɛ mvealeɛ nu bɔne awa wɔ nyunu hyireinn ne anu.

Anyandera 13:21

Musue foa bɔnefoɛ, nakoso teneneefoɛ de, saleɛ te b’akatuaa.

Anyandera 24:16

ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 59:12

Yɛ mmeraatolɛ asone pee wɔ wɔ nyunu, na yɛ bɔne di adanzeɛ tia yɛ, ofikyɛ yɛ mmeraatolɛ la yɛ nyunu, na yɛ amumuyɛɛ koso, yɛse:

Yona 1:7

Yeɛ besisele bɛ nwo bɛ nwo kyɛ, “Ɛmɔbra maa yɛgua serewa, amaa ɔnate so yanwu sona horɛ bɔ ye ti yeɛ sɔ musue he wato yɛ ye.” Yiti beguale serewa, na serewa ne yele Yona.

Romanfoɛ 2:9

Amaneɛnwunɛ ne ahometrɛ kɔwa sona biala bɔ odi bɔne so; Yudafoɛ yeɛ beli moa ɔ, yeɛ Amaenmaensofoɛ toa berɛ ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Yosua 7:18

Ɔmane Sabidi sasofoɛ wale ngoko ngoko, na serewagualɛ ne yele Akan bɔ ɔse ole Karemi, bɔ ɔse ole Sabodi, bɔ ɔse ole Sera bɔ ofi Yuda abusua kure nu ne.