Numeri 32:22 - AHYERƐLƐ KRONGRON

²² ná AWURADE di aseɛ ne aso ngonim a, ye si ye, ɛmɔkɔhora bekosa bɛ si. Sɛ ɔba ye sɔ a, né ɛmɔnni AWURADE ne Yisrael nyunu fɔ, na aseɛ he kɔyɛ ɛmɔ agyapadeɛ AWURADE nyunu.

Numeri 32:22 Iomraidhean Croise

2 Samuel 3:28

Nziɛ ye bɔ Dawide tele sɔ dwirɛ nen, ɔhane kyɛ, “Nɛɛ awa Abenɛ mogya ne, me ne m’ahennie yɛdi ye nwo be afebɔɔ wɔ AWURADE nyunu.

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Lewitikɔso 14:34

“Sɛ ɛmɔbadwu Kanaan aseɛ bɔ méfa méma ɛmɔ maa ɔyɛ ɛmɔ deɛ ne aso, ná sɛ mema kwata anwonyerɛ pe awuro bie anu wɔ aseɛ bɔ ɛmɔ sa baahã ye ne aso a,

Numeri 32:21

ná ɛmɔ amukoraa bɔ ɛmɔtira akodeɛ ne, sɛ ɛmɔpɛ asue Yɔɔdan wɔ AWURADE nyunu, kɔpem kyɛ ɔkɔfoa ye pɔfoɛ mɔ kofi ye nyunu,

Deuteronomi 3:20

kɔpem kyɛ AWURADE kɔma ɛmɔ aliɛma mɔ konya nekaa kole bɛ nwome, kyɛbɔ wayɔ wama ɛmɔ ne; kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ wɔ asue Yɔɔdan si dɔ ne ɔ. Na ɛhe asi ne, ebiala kɔhora kosa kɔɔfa ye aseɛ bɔ mafa mama ɛmɔ ne.’

Yosua 1:15

kɔpem kyɛ AWURADE kɔbɔ ɛmɔ aliɛma nemɔ atenaseɛ asomdwee nu, kyɛbɔ wayɔ wama ɛmɔ ne, kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ ne ɔ. Ɛhe asi ne, né ɛmɔasa bawa baafa ɛmɔ bɔbɔ b’aseɛ deɛ ne, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si, wɔ eyia afiteleɛ bue nu dɔ ne.”

Yosua 10:30

Na AWURADE fale Libina koso ne ye hene wurale Yisrael sa. Yisrael fale ngrandɛ huhuni kuro berɛ ama mukoraati. Wanyakyi sona ko po wɔ nu. Na bɔ ɔfa yɔle Yeriko hene ne, sɔ ala yeɛ ɔfa yɔle berɛ hene ne ɔ.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 13:8

Manase abusua kure ne bue ko bɔ waha ne de, né bɛ ne Rubenfoɛ ne Gadefoɛ bali moa banya b’aseɛ deɛ dada. Mose yeɛ ɔfa mane bɛ wɔ asue Yɔɔdan si eyia afiteleɛ bue nu dɔ ɔ, kyɛbɔ AWURADE somvoɛ Mose hyɛ mane bɛ ne:

Yosua 18:1

Yisraelfoɛ lili aseɛ ne aso ngonim yiele nen, bɛ mukoraa bɛbɔle dwaa wɔ Silo, na besili ɛtena sua atenaleɛ ne wɔ berɛ.

Yosua 2:19

Na sɛ ɛmɔ nu bie fi w’awuro wa fite kɔ dwaaso de a, ye de ye bɔbɔ deinn ye wue kɔbɔ ye ti so, na yɛnni ye wue nwo fɔ. Nakoso bɛ bɔ bɛkɔɔboka wɔ so wɔ awuro wa ne de, sɛ ebie fa ye sa ka bɛ nu biala a, ye de ye wue kɔbɔ yɛ ti so.

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 22:9

Yiti Rubenfoɛ, Gadefoɛ ne Manase abusua kure ne bue yakyili Yisraelfoɛ ngaa ne wɔ Silo, bɔ ɔwɔ Kanaan aseɛ so. Na besili nu kyɛ besa bɛkɔ Gileade bɔ ɔte bɛ bɔbɔ b’aseɛ ne aso; aseɛ bɔ begyinane AWURADE ahyɛdeɛ bɔ ɔnate Mose so bɛfale ne.