Numeri 32:13 - AHYERƐLƐ KRONGRON

¹³ Na AWURADE fɛle Yisrael so yaa paa, na ɔmaa behyinihyinini ɛserɛ so toonn afoɛ aburanna, kɔpem kyɛ aworɛ ndoatoasoɛ bɔ bayɔ bɔne wɔ AWURADE nyunu ne, bɛ mukoraa bewuwuli ɔ.

Numeri 32:13 Iomraidhean Croise

Edwein 107:4

Behyinihyinini aseɛ pralaa so wɔ atee bɔ ebiala mva so ɔ so, bɔ bannwu kuro biala bandena so ɔ.

Edwein 78:33

Yiti ɔpɛle bɛ ngoa so kyɛ nwomeɛ, bɔ b’afoɛ bɔ wahã ne ɔɔyɛle ahunundetelɛ ɔ.

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Ɛksadɔso 16:35

Yisraelfoɛ lili mana afoɛ aburanna, maa oodwuli kyɛ bedwuli aseɛ bɔ mmenia tete so ɔ so; na belili mana toonn kɔpem kyɛ bedwuli Kanaan aseɛ so ɔ.

Amose 2:10

Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Numeri 14:32

Nakoso ɛmɔ de, ɛmɔkowuwu bekogua ɛserɛ ye aso.

1 Korintofoɛ 10:5

Nakoso, Nyameɛ nye angye bɛ nu pee bɛ nwo, yiti bewuwuli wɔ ɛserɛ ne aso.

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 2:20

Yiti AWURADE fɛle Yisrael so yaa paa, na osele kyɛ, “Ɔnate kyɛ maen he abu m’apam bɔ nhyehyɛle mane bɛ nana mɔ ne aso, ná bandie me dwirɛ ne ati,