Numeri 32:10 - AHYERƐLƐ KRONGRON

¹⁰ AWURADE fɛle yaa paa sɔ kyẽa ne, na ɔtale ndaen kyɛ,

Numeri 32:10 Iomraidhean Croise

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Numeri 14:21

Nakoso, kyɛ nde ase ye, ɔne kyɛ AWURADE animnyam koyi aseɛ ye aso amukoraa tɛkyɛɛ ye,

Numeri 14:23

bɛ nu biala ngonwu aseɛ bɔ ndale ye nwo ndaen kyɛ ngɔfa ngɔma bɛ nana mɔ ne. Bɛ bɔ bebuli me animtia ne, bɛ nu biala ngonwu aseɛ ne.

Numeri 14:29

Ɛserɛ ye aso yeɛ ɛmɔkowu bekogua ɔ, na ɛmɔ amukoraa bɔ bɛhale ɛmɔ ne, ebiala bɔ wali ofi afoɛ aburanyɔ bɔ ɔkɔ, bɔ wapenepene ye komvi wagua me so ne,