Numeri 31:8 - AHYERƐLƐ KRONGRON

⁸ Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Numeri 31:8 Iomraidhean Croise

Edwein 10:2

Bɔnefoɛ bele anwomasoɛ bɛtane bɛ bɔ bɛyɛ anwumvo ɔ, bɛ nye; porɛ bɔ babɔ ne, maa obu sa bɛ.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Anyandera 11:3

Sona bɔ ye bra te sannwuu ne, ye nahorɛlilɛ kyire ye atee, nakoso ngondombofoɛ bɛ nnakannaka fa bɛ kɔ ɛsɛkyelɛ nu.

Anyandera 13:17

Somafoɛ tɛɛ twetwe amaneɛ ba, nakoso ɛbɔfoɛ nahorɛniɛ de, ɔma mmenia nwo sande bɛ.

Habakuku 3:7

Nwuni kyɛ Kusan ɛtena sua mɔ bɛwɔ amaneɛ nu, yeɛ Midian aseɛ so mbɛmuɛ tena mɔ bɛwosowoso.

Numeri 22:10

Balaam buale Nyameɛ kyɛ, “Sipore awa Balake bɔ ɔte Moabo hene ne ɔtole me ngraa kyɛ,

Numeri 22:4

Yeɛ Moabo sele Midian mbanyi nemɔ kyɛ, “Ɛlɔen piri he koli nningyein amukoraa bɔ wapɛ yɛ nwo wayia ɔ, kyɛbɔ nandwie di aseɛ so ndire ɔ.” Sɔ mmerɛ ne, né Sipore awa Balake yeɛ ɔte Moabo hene ɔ.

Numeri 22:5

Otuli ɛbɔfoɛ maa bɛhɔle Beɔ awa Balaam berɛ wɔ Petore bɔ ɔla asue Yufreti noa, wɔ Amawo aseɛ so ne. Na bɛtole bɛ sa bɛfrɛle ye kyɛ, “Mmenia bie fi Misraim bawa; bayɛ aseɛ so mitimiti, na baatena bapingye me.

Numeri 23:10

Nwa yeɛ ɔkɔhora kɔha Yakob boso ama bɔ bɛ somaa te kyɛ mvuture ɔ, anaakyɛ ɔkɔhora kɔha Yisraelfoɛ nna nu ngyɛmuɛ ko ɔ? Ma me wue yɛ kyɛ mmenia bɔ bɛtengyɛ ɔ bɛ wue, ná m’ayieleɛ ɔyɛ kyɛ bɛ deɛ!”

Numeri 24:14

Afei, mesa mekɔ me maen nu. Na maa nga bɔ kyẽa bie maen he kɔfa kɔyɔ wɔ maen ɔ ngyire wɔ.”

Numeri 24:25

Afei Balaam sili nu sá hɔle ye kuro, na Balake koso sili nu hɔle.

Numeri 25:15

Midianniɛ braa bɔ ohuni ye ne, bɛfrɛ ye Kosibi. Sure bɔ ɔla Midian abusua ko anoa ne, ɔwa brasua ɛne.

Numeri 25:18

ofikyɛ bɛnate nnakannaka so baha ɛmɔ. Balakalaka ɛmɔ wɔ edwirɛ hemɔ anwo: Baal Peɔ sɔnenɛ nwo, yeɛ b’eliɛma brasua Kosibi bɔ ɔte Midian panyi bie awa ne anwo. Kyẽa bɔ Peɔ sɔnenɛ hwene amaneɛ wale ne yeɛ behuni Kosibi ɔ.”

Numeri 31:16

Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Numeri 31:9

Yisraelfoɛ hyele Midian mmrasua, bɛ ne bɛ mma mmaa mmaa mɔ nnure. Bɛfale bɛ nandwie amukoraa, bɛ mmoaen amukoraa, ɔne bɛ nningyein amukoraa bɛyɛle koɛ nu nzesadeɛ.

2 Petro 2:15

Bayakyi nahorɛ atee ne berɛ bali makyebu, na baafa Beɔ awa Balaam atee so, ye bɔ ohurole kyɛ okonya mvasoɛ kofi amumuyɛɛyɔlɛ nu ɔ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.