Numeri 31:54 - AHYERƐLƐ KRONGRON

⁵⁴ Yiti Mose ne ɔsɔfo Eleasa lele sikaa kɔkorɛ ne fili koɛhonɛfoɛ apee apee so safohene nemɔ ɔne koɛhonɛfoɛ ɛyaa ɛyaa so safohene nemɔ berɛ. Bɛfa bɛwale ɛtena sua atenaleɛ ne anu maa ɔyɛle ngayeɛ nikyee mane Yisraelfoɛ wɔ AWURADE nyunu.

Numeri 31:54 Iomraidhean Croise

Ɛsra 7:5

bɔ ye baba ole Abisua, bɔ ye baba ole Finehase, bɔ ye baba ole Eleasa, bɔ ye baba ole ɔsɔfo panyi Aarɔn ne,

Edwein 115:1

Ao AWURADE, nna yɛ, nna yɛ, na mmom wɔ dumaa yeɛ ɔfata animnyam ɔ, ɔnate wɔ ɔdɔ bɔ onni ngasi ne, ɔne wɔ nahorɛlilɛ ne ati.

Edwein 145:7

Wɔ paayɛlɛ piri nwo ngayeɛ ne, bɛkɔbɔ ye nwo dawure, na bɛkɔto wɔ tenenee nwo dwein.

Edwein 18:49

Yiti, O AWURADE, ngɔkamvo wɔ wɔ maen maen mɔ so, ná mabɔ wɔ dumaa mato ayɛyelɛ dwein.

Ɛksadɔso 28:12

Fa nyɔboɛ nyɔ ne teta ɔsɔfo ataadeɛ ne bati so, ma ɔyɛ Yisrael mma mmienzua nemɔ ngayeɛ nyɔboɛ. Na Aarɔn kɔsoa bɛ dumaa ne wɔ ye bati nyɔ ne aso wɔ AWURADE nyunu kɔfa kɔyɛ ngayeɛ.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Sakaria 6:14

Na abotire nemɔ kɔyɛ ngayeɛ nikyee kɔma Helem, Tobiya, Yedaya ne Sefania awa Hen wɔ AWURADE asɔneyɛɛ sua ne anu.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Luka 22:19

Afei ɔfale paanoo, ɔlale ase, obubuli nu fa mane bɛ, na ɔhane kyɛ, “Ɛhe te me nwonaen bɔ ɛmɔ ti bɛ́fa bɛ́ma ɔ; ɛ́mɔyɔ he bɛ́fa bɛ́kaye me.”

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Yosua 4:7

ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”