Numeri 31:30 - AHYERƐLƐ KRONGRON

³⁰ Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 31:30 Iomraidhean Croise

1 Aberɛso Dwirɛ 23:32

Yiti odi kyɛ bɛnea ɛtena sua atenaleɛ ne ɔne nekaa krongron ne aso. Afei koso, Aarɔn boso ama bɔ yeɛ bɛte bɛ koso bɛ nwo ama ne, odi kyɛ bɛboka bɛ maa bɛyɔ AWURADE awuro berɛ ɛsɔnenɛ adwuma ne.”

2 Aberɛso Dwirɛ 14:15

Afei, bɛ bɔ bele ayɛmmoa mɔ ne koso, Yudafoɛ fale koɛ bɛtoale bɛ bɛsesale bɛ mmoaen ne mbɔngye pee, ɔne b’afupɔngɔ mɔ bɛhɔle. Afei besa bɛhɔle Yerusalem.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 3:25

Gɛsɔn boso ama nemɔ, b’adwuma wɔ ɛtena sua atenaleɛ ne anu ole kyɛ, bɛ́nea ɛhemɔ amukoraa so: nyianu sua ne, pumbu ne ɔne ye ngatasoɛ, ɛtena bɔ onwi ɛtena sua atenaleɛ anoa nu berɛ ne,

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 31:28

Koɛhonɛfoɛ bɔ bɛhɔle koɛ ne, bɛ bue deɛ ne, tua so toɔ ma AWURADE. Nningyein ɛyaa nnu biala, ye nu ko: kyɛ mmenia oo, nandwie oo, afunum oo, mmoaen oo, anaa mbɔngye oo.

Numeri 31:29

Ye fi bɛ bue deɛ ne anu ná fa ma ɔsɔfo Eleasa. Ɔte afɔleɛ ma AWURADE.

Numeri 31:31

Na Mose ne ɔsɔfo Eleasa yɔle kyɛbɔ AWURADE hyɛle Mose ne ala:

Numeri 8:26

Bɛkɔhora bɛkɔbokaboka b’eliɛma mɔ maa bɛkɔyɔ b’adwuma wɔ ɛtena sua atenaleɛ ne anu, nakoso onni kyɛ bɛyɔ ɛsɔnenɛ adwuma ne bie. Sɔ yeɛ odi kyɛ ɛfa Lewifoɛ nemɔ adwuma wura bɛ sa ɔ.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.

Yosua 9:27

Nakoso ofi sɔ kyẽa ne, Yosua mane Gibeonfoɛ yɔle eyeinbubulɛ ne nzuehɔlɛ adwuma mane ɛlɔen ne, na bɛyɔle sɔ bɛmane AWURADE afɔleɛ bokyea ne koso, wɔ nekaa bɔ AWURADE aye asie berɛ kyɛ bɛsɔne ye ne, toonn maa waadwu ɛnɛ.