Numeri 31:3 - AHYERƐLƐ KRONGRON

³ Yiti Mose sele Yisrael maen ne kyɛ, “Ɛ́mɔboaboa ɛmɔ mmenia ne bie noa maa bɛhɔ koɛ, ná bɛ ne Midian bɛɛho, ma AWURADE wereɛtɔlɛ ɔ́bra Midian so.

Numeri 31:3 Iomraidhean Croise

2 Ahemvo 10:30

AWURADE sele Yehu kyɛ, “Ɔnate kyɛ abɔ mmɔden ayɔ bɔ ɔtengyɛ wɔ me nyunu, ná afei ɛne Ahabo awuro ama ali ye kyɛbɔ mepena ne pɛpɛɛpɛ ne ati, wɔ boso ama bɔ ɔkwaadwu aworɛ ndoatoasoɛ nna so ne, bɛkɔtena Yisrael ahennie bia so.”

2 Ahemvo 9:7

Odi kyɛ eku wɔ mene Ahabo ye awuro ama, amaa ɔnate so matɔ Yesebɛl so wereɛ, ɔnate me somvoɛ ngɔmhyɛlɛfoɛ nemɔ bɛ mogya, ɔne AWURADE somvoɛ amukoraa bɛ mogya so ti.

Ɛksadɔso 17:16

Na ɔhane kyɛ, “Odi kyɛ ebiala ma AWURADE frangaa ne aso, ofikyɛ AWURADE ne Amalɛke bɛkɔho koɛ wɔ aworɛ ndoatoasoɛ mukoraati nu.”

Yeremia 46:10

Sɔ kyẽa ne te AWURADE Asafo Nyameɛ ye kyẽa, ɔte wereɛtɔlɛ kyẽa bɔ ɔkɔtɔ ye pɔfoɛ mɔ so wereɛ ɔ. Ngrandɛ ne kohũhũ kɔma ye ko koyi, ná wano bɛ mogya wabo. Ofikyɛ AWURADE Asafo Nyameɛ asiesie afɔleɛ wɔ sorɔ dɔ maen ne anu, wɔ asue Yufreti noa.

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Lewitikɔso 26:25

Na ngɔhwe ɛmɔ so ngrandɛ, ná matɔ ɛmɔ so wereɛ, ɔnate apam bɔ ɛmɔabu so ne ati. Na sɛ ɛmɔkɔfeafea ɛmɔ nguro nemɔ anu a, ngɔsoma anwonyerɛ tɛɛ maa ɔkɔbɔ ɛmɔ, na ngɔfa ɛmɔ ngowura ɛmɔ pɔfoɛ mɔ sa.

Numeri 25:11

“Me yaa bɔ mvɛle ye wɔ Yisraelfoɛ so ne, Finehase bɔ ɔse ole ɔsɔfo Aarɔn awa Eleasa ne, wama m’ahone atɔ nzue nu. Ofikyɛ watu ye nwo wasie berɛ wagyina me gya nu wahwe bɛ nwo nungunɛ wama me. Ɔnate ye sɔ ti, mangũkũ Yisraelfoɛ mɔ wɔ me nungunɛhwenɛ nu.

Numeri 25:13

Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”

Numeri 31:4

Ɛmɔye Yisrael abusua kure biala anu mmenia apee ko maa bɛhɔ koɛ ne.”

Maenbulɛfoɛ 5:2

“Sɛ Yisrael nu koɛhonɛfoɛ di ye nyunu a, sɛ mmenia ne tu bɛ nwo sie berɛ a, ɛ́mɔye AWURADE ayɛ!

Maenbulɛfoɛ 5:23

AWURADE abɔfo nwa: Ɛ́mɔnoma Merose, ɛ́mɔnoma nu ama paa, ofikyɛ bamma ammoka AWURADE, bamma ammoka AWURADE maa wango wandia anwoserɛfoɛ nemɔ.