Numeri 31:28 - AHYERƐLƐ KRONGRON

²⁸ Koɛhonɛfoɛ bɔ bɛhɔle koɛ ne, bɛ bue deɛ ne, tua so toɔ ma AWURADE. Nningyein ɛyaa nnu biala, ye nu ko: kyɛ mmenia oo, nandwie oo, afunum oo, mmoaen oo, anaa mbɔngye oo.

Numeri 31:28 Iomraidhean Croise

Gyenesise 14:20

na animnyam hã Anwuro Anwuro Nyameɛ, bɔ wafa wɔ pɔfoɛ mɔ wawura wɔ sa ne!” Na Abram mane Mɛlkisɛdɛke nningyein ne amukoraa nu buru nu ngyɛmuɛ ko.

1 Aberɛso Dwirɛ 18:11

Ɛdwetɛ ne esikaa kɔkorɛ bɔ Nana Dawide sesa fili maen maen amukoraa so: Edom, Moabo, Amonfoɛ, Filistifoɛ ne Amalɛke berɛ ne, ɔfale sɔ nningyein nemɔ bokale so, na otu siele berɛ mane AWURADE sɔnenɛ.

2 Aberɛso Dwirɛ 15:11

Koɛ nu nzesadeɛ bɔ bɛfa bɛhɔle ne, sɔ kyẽa ne, bɛyele nu nandwie nyii ɛyaa nzoo ne mmoaen apee nzoo bɛbɔle afɔleɛ bɛmane AWURADE.

Yesaya 18:7

Na sɔ mmerɛ ne, bɛkɔfa akyɛdeɛ bɛkɔbrɛ Asafo AWURADE, bɛkɔfa bekofi maen bɔ nu mmenia te ndendenn anwonyemenefoɛ, bɔ bɛ nwo suronyi atɔ mmenia bɔ bepingye bɛ ɔ so, ɔne nziɛnziɛfoɛ mɔ so ɔ, anwoserɛ ne ngonimlilɛ maen ne, bɔ asue mɔ ahyehyɛ b’aseɛ nu ne, bɛkɔfa bɛkɔbrɛ Asafo AWURADE wɔ Sion bokaa ne aso, nekaa bɔ AWURADE dumaa la so ne.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Numeri 18:26

“Ka kyire Lewifoɛ kyɛ, sɛ ɛmɔ sa ka buru nu ngyɛmuɛ ko ne befi Yisraelfoɛ berɛ, bɔ male mafi bɛ berɛ mama ɛmɔ kyɛ ɛmɔ agyapadeɛ ɛne ne a, odi kyɛ ɛmɔfa nu bie bɛbɔ afɔleɛ bɛma AWURADE, maa ɔyɛ buru nu ngyɛmuɛ ko ne anu buru nu ngyɛmuɛ ko.

Numeri 31:29

Ye fi bɛ bue deɛ ne anu ná fa ma ɔsɔfo Eleasa. Ɔte afɔleɛ ma AWURADE.

Numeri 31:30

Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 31:47

Yisraelfoɛ ngaa ne, bɛ bue deɛ ne, kyɛbɔ AWURADE hyɛle Mose ne, Mose yele mmenia ne ngaka aburannu biala nu ko, na ɔfa mane Lewifoɛ bɔ yeɛ bɛso wɔ AWURADE nyianu sua ne anu ne.

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Yosua 6:19

Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”

Yosua 6:24

Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.

Yosua 9:27

Nakoso ofi sɔ kyẽa ne, Yosua mane Gibeonfoɛ yɔle eyeinbubulɛ ne nzuehɔlɛ adwuma mane ɛlɔen ne, na bɛyɔle sɔ bɛmane AWURADE afɔleɛ bokyea ne koso, wɔ nekaa bɔ AWURADE aye asie berɛ kyɛ bɛsɔne ye ne, toonn maa waadwu ɛnɛ.