Numeri 31:23 - AHYERƐLƐ KRONGRON

²³ yeɛ nikyee biala bɔ bɛfa see bɛka ye a onhuro ne, ɛ́mɔfa see bɛ́te ye nwo, na ye nwo kofi. Nakoso odi kyɛ ɛmɔfa anwotelɛ nzue koso bɛte ye nwo. Na nikyee biala bɔ bɛfa see bɛka ye a ohuro ne, odi kyɛ ɛmɔfa bewura nzue ne anu.

Numeri 31:23 Iomraidhean Croise

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Ɛksadɔso 19:14

Yiti Mose fili bokaa ne aso dwu hɔle mmenia nemɔ anwo berɛ, ɔpetene bɛ nwo, na bɛpole bɛ nwo nningyein.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Lewitikɔso 11:32

Nikyee biala bɔ bɛ nu biala fuin kɔtɔ so ne, kyɛ bakaa yeɛ bafa bayɔ hɔ oo, anaa ɛtena oo, anaa nwomaa oo, anaa bɔtɔ oo, anaa nikyee biala bɔ bɛfa bɛyɔ adwuma biala oo, odi kyɛ bɛfa bewura nzue nu na ye nwo kogua fiɛ maa okoodwu nɔsoa koraka ne ye nwo ate.

Lewitikɔso 15:17

Nikyee biala bɔ bafa ɛtena anaa nwomaa bapa ne, sɛ ye nwo nzue ne bie gua so a, ɔsɛ kyɛ bɛfa nzue bɛpo, na ɔkɔyɛ nikyee bɔ ye nwo nde ɔ maa okoodwu nɔsoa.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Numeri 19:17

Na ɔnate kyɛ sɔ sona ne ye nwo agua fiɛ ne ati, odi kyɛ bɛfa bɔne nwo afɔleɛ bɔ bayera ye ne ye nzoen ne bie, ná bɛfa asue nu nzue begua so wɔ kukue nu.

Numeri 19:9

Na odi kyɛ sona bie bɔ ye nwo te ɔ sesa nandwie beleɛ nzoen ne, ná ɔ́fa kogua asikyeleɛ ne asi nekaa bɔ berɛ te sannwuu ɔ. Odi kyɛ bɛfa besie bɛma Yisrael maen ne, ná bafa bafra nzue bɔ bɛfa bɛte bɛ nwo ne. Bɛfa bɛte bɛ nwo befi bɔne nwo.

Numeri 31:22

sikaa kɔkorɛ, ɛdwetɛ, kɔɔbere, buralɛ, kyɛnzee, sum,

Numeri 31:24

Ye ɛlɛsoo ne aso, odi kyɛ ɛmɔpo ɛmɔ nwo nningyein, amaa ɛmɔ nwo afi. Ye si ye, ɛmɔkora bɛba asikyeleɛ ne anu.”

Numeri 8:7

Ɛhe yeɛ odi kyɛ ɛyɔ ná ɛfa te bɛ nwo ɔ: Fa nzue bɔ bɛfa bɛte bɛ nwo ne pete bɛ nwo. Maa bɛfa dɛmaa bɛpoa bɛ nwo nwiaa amukoraa ná bɛpo bɛ nwo nningyein, amaa ɔnate so bɛ nwo ate.

Mateo 3:11

Me de, mebɔ ɛmɔ asu wɔ nzue nu maa okyire kyɛ ɛmɔasakyera ɛmɔ adwene, nakoso bɔ oli me si ɔ́ba ne de, odi mu tra me; na memvata kyɛ ye mbaboa po ngotira ɔ. Ye de, ɔkɔfa Sunzum Krongron ne see yeɛ ɔkɔbɔ ɛmɔ asu ɔ.

1 Korintofoɛ 3:13

ebiala adwuma kɔye ye nwo ali. Ndɛenbualɛ kyẽa ne kɔmaa ɔkɔla ali, ofikyɛ see kɔma ebiala adwuma kɔla ali, na see ne koso ebiala adwuma bɔ wayɔ ɔ kɔnea.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

1 Petro 1:7

amaa ɔnate so ɛmɔ gyidie ne—bɔ ye nyɔboɛ yɛ se tra sikaa kɔkorɛ, bɔ ɔwɔ nu kyɛ beso bɛnea wɔ see nu po, nakoso ɔsɛkye ne—wakakyi ayɛyelɛ, anidie ne animnyam wɔ Yesu Kristo nwo aliyelɛ ne anu.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

1 Petro 4:12

Aliɛmaa mɔ, amaneɛ yeayea bɔ ɔtoto ɛmɔ bɔ bɛfa beso ɛmɔ bɛnea ne, nnɛmɔma ɔyɛ ɛmɔ nwanwa, kyɛ ebiaa ɔte nikyee foforɛ bie yeɛ ɔtoto ɛmɔ ɔ.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.