Numeri 31:16 - AHYERƐLƐ KRONGRON

¹⁶ Mmrasua hemɔ yeɛ Balaam tuli bɛ foɛ tɛɛ maa bɛlakalakale Yisraelfoɛ, bɔ ɔnate so Yisraelfoɛ hwi fale AWURADE dwirɛ so ná bɛɛsɔnene Peɔ ne. Na ɛhe mane amaneɛ piri tole AWURADE mmenia.

Numeri 31:16 Iomraidhean Croise

Anyandera 23:27

Ɔnate kyɛ brasua gyanderaniɛ te kumaa kuronn, yeɛ brasua sanzaniɛ te abura bɔtɔfee.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Numeri 24:14

Afei, mesa mekɔ me maen nu. Na maa nga bɔ kyẽa bie maen he kɔfa kɔyɔ wɔ maen ɔ ngyire wɔ.”

Numeri 25:18

ofikyɛ bɛnate nnakannaka so baha ɛmɔ. Balakalaka ɛmɔ wɔ edwirɛ hemɔ anwo: Baal Peɔ sɔnenɛ nwo, yeɛ b’eliɛma brasua Kosibi bɔ ɔte Midian panyi bie awa ne anwo. Kyẽa bɔ Peɔ sɔnenɛ hwene amaneɛ wale ne yeɛ behuni Kosibi ɔ.”

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Deuteronomi 4:3

Ɛmɔ bɔbɔ bɛ nye tua bɔ AWURADE yɔle ye wɔ Baal Peɔ ɔ, ofikyɛ ɛmɔ nu mmenia bɔ belili Baal bɔ ɔwɔ Peɔ si ne, AWURADE ɛmɔ Nyameɛ huhuni bɛ fili ɛmɔ nu.

Yosua 22:17

Bɔne bɔ yɛyɔle ye wɔ Peɔ, bɔ ɔbaadwu ɛnɛ ye po yɛnnya yɛppetene yɛ nwo yɛffili ye nwo ne, bɔne bɔ ɔfale amaneɛ pirikua tole AWURADE mmenia so ne, aso ɔte bɔne ba?

2 Petro 2:15

Bayakyi nahorɛ atee ne berɛ bali makyebu, na baafa Beɔ awa Balaam atee so, ye bɔ ohurole kyɛ okonya mvasoɛ kofi amumuyɛɛyɔlɛ nu ɔ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.