Numeri 31:10 - AHYERƐLƐ KRONGRON

¹⁰ Bɛyerale bɛ nguro bɔ né bɛtete so amukoraati, ɔne b’asikyeleɛ amukoraati.

Numeri 31:10 Iomraidhean Croise

Gyenesise 25:16

Ɛhemɔ ole Yismael mma nemɔ, na bɛ dumaa ɛne: kyɛbɔ sɔ atitirefoɛ buru ne nyɔ nemɔ bɛ dumaa ɔɔlale bɛ nguraa ne asikyeleɛ mɔ so ɛne.

1 Ahemvo 9:16

(Sɔ mmerɛ ne, né Misraim hene Faro waali Gɛsɛre so ngonim. Ɔyerale kuro ne, ohuhuni Kaananfoɛ bɔ né bɛte kuro berɛ ne, na ɔfale kuro ne hyɛle ɔwa brasua bɔ ɔte Solomon aye ne kyɛ ye atɔmvorɛ akyɛdeɛ ɛne.

Yesaya 1:7

Ɛmɔ maen ne abɔ, bafa see bayera ɛmɔ nguro nemɔ, amanvrafoɛ bɛfẽ ɛmɔ fieso aleɛ bɛfa bɔ ɛmɔ nye tua ɔ; wabɔ, kyɛbɔ ɛwɔfoɛ mɔ basɛkye ye ne.

Numeri 31:11

Nakoso koɛ nu nningyein amukoraa ɔne koɛ nu nzesadeɛ amukoraa de, kyɛ mmenia oo, kyɛ ngaka oo, bɛfa bɛhɔle.

Numeri 31:9

Yisraelfoɛ hyele Midian mmrasua, bɛ ne bɛ mma mmaa mmaa mɔ nnure. Bɛfale bɛ nandwie amukoraa, bɛ mmoaen amukoraa, ɔne bɛ nningyein amukoraa bɛyɛle koɛ nu nzesadeɛ.

Yosua 6:24

Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”

1 Samuel 30:1

Ye ɛlɛsa ne aso, bɔ Dawide ne ye mmenia nemɔ beedwuli Siklage nen, né Amalɛkefoɛ baabɔ apaa wɔ Yuda ngwaen dɔ ne Siklage. Né bafa koɛ baatoa Siklage bato nu see.