Numeri 30:8 - AHYERƐLƐ KRONGRON

⁸ Nakoso sɛ mmerɛ bɔ ohu kɔte dwirɛ ne, ɔma braa ne nwu kyɛ ɔne ye nyɛ adwene a, ye de né ohu ne wakyikyi bɔhyɛ bɔ ɔla braa ne so ne, anaa ye noa dwirɛ bɔ wandwene ye nwo yeɛ ɔhane bɔ ɔsɛ kyɛ odi so ne; na AWURADE kɔfa ye bɔne kɔhyɛ ye.

Numeri 30:8 Iomraidhean Croise

Gyenesise 3:16

Na braa ne wora, Nyameɛ sele ye kyɛ, “Ngɔmaa ɛkɔte aworɛ nu yealɛ paa, na yealɛ nu yeɛ ɛkɔwo mmaa ɔ. Nakoso wɔ wora kɔlɔ ehu, na okoli wɔ so.”

Yeremia 44:19

[Yeɛ mmrasua nemɔ sele kyɛ,] “Mmerɛ bɔ yɛyerale ɛyɛɛ yɛmane nyameɛso hemmaa, ná yɛbɔle anonneɛ afɔleɛ yɛmane ye ne, aso yɛtone taterɛ yɛfa yɛsɔnene ye, yeɛ yɛbɔle anonneɛ afɔleɛ yɛmane ye bɔ yɛ hu mɔ bɛmbene so ɔ?

Lewitikɔso 5:4

Anaa sɛ ebie bukye ye noa, ná ɔpere ye nwo hyɛ bɔ nikyee bie anwo a, kyɛ paa oo, anaa tɛɛ oo, ndaen biala bɔ sona perepere ye nwo ɔta ne, sɛ ɔnze po a, sɛ onya nwu ye a, okoli nu biala nwo fɔ.

Numeri 30:5

Nakoso sɛ ye baba te ye dwirɛ ne, ná ɔne ye anyɛ adwene a, ye bɔ bɔ wahyɛ ne, anaa ndaen bɔ wata wafa wafoa edwirɛ so ne, nu biala ngɔyɛ adwuma. AWURADE kɔfa kɔhyɛ ye, ofikyɛ ye baba amaa wanwu ye kyɛ ɔne ye nyɛ adwene.

Numeri 30:7

ná sɛ ohu te dwirɛ ne, nakoso mmerɛ bɔ yeɛ ɔkɔte ne wanga hwee wangyire ye a, ye de bɔhyɛlɛ ne tɛ la ye so, na ndaen bɔ wata wafa wafoa edwirɛ so ne koso tɛ la ye so.

Numeri 30:9

(Nakoso kunaniɛ brasua biala anaa brasua bɔ ɔne ohu bayira biala, anohoba bɔ wabɔ bɔ ɔsɛ kyɛ odi so ne, ɔkɔhɔ so kɔla ye so).

1 Korintofoɛ 14:34

ɛ́mɔma ɛmɔ mmrasua mɔ bemua bɛ noa wɔ asɔre mɔ nu. Ofikyɛ belle ye nwo ate kyɛ bedwudwo ɔ, na mmom bɛbrɛ bɛ nwo ase kyɛbɔ mmeraa ne kã ne.

1 Korintofoɛ 7:4

Ɔnate kyɛ yeɛ ne de, olle ye bɔbɔ ye nipadua so tumi, nakoso ohu le so tumi. Sɔ ala yeɛ huɛ ne koso olle ye bɔbɔ ye nipadua so tumi ɔ, nakoso ɔye le so tumi.

1 Samuel 1:23

Na ohu Ɛlkana buale ye kyɛ, “Bɔ asusu ye nwo ne, yɔ sɔ ala. Nwondɛ maa oodwu mmerɛ bɔ ɛkɔpɛ ye nyɔfone koraka; na mesrɛ kyɛ AWURADE noa dwirɛ ɔ́bra nu.” Yiti Hana tenane awuro mane ɔwa ne nyɔfone kɔpem kyɛ ɔpɛle ye nyɔfone ɔ.