Numeri 30:7 - AHYERƐLƐ KRONGRON

⁷ ná sɛ ohu te dwirɛ ne, nakoso mmerɛ bɔ yeɛ ɔkɔte ne wanga hwee wangyire ye a, ye de bɔhyɛlɛ ne tɛ la ye so, na ndaen bɔ wata wafa wafoa edwirɛ so ne koso tɛ la ye so.

Numeri 30:7 Iomraidhean Croise

Gyenesise 3:16

Na braa ne wora, Nyameɛ sele ye kyɛ, “Ngɔmaa ɛkɔte aworɛ nu yealɛ paa, na yealɛ nu yeɛ ɛkɔwo mmaa ɔ. Nakoso wɔ wora kɔlɔ ehu, na okoli wɔ so.”

Yeremia 44:19

[Yeɛ mmrasua nemɔ sele kyɛ,] “Mmerɛ bɔ yɛyerale ɛyɛɛ yɛmane nyameɛso hemmaa, ná yɛbɔle anonneɛ afɔleɛ yɛmane ye ne, aso yɛtone taterɛ yɛfa yɛsɔnene ye, yeɛ yɛbɔle anonneɛ afɔleɛ yɛmane ye bɔ yɛ hu mɔ bɛmbene so ɔ?

Numeri 30:6

Mmerɛ bɔ ye anohoba anaa ye bɔhyɛ bɔ wandwene ye nwo yeɛ ɔhyɛle ne tɛ la ye so ne, sɛ okogya biaa,

Numeri 30:8

Nakoso sɛ mmerɛ bɔ ohu kɔte dwirɛ ne, ɔma braa ne nwu kyɛ ɔne ye nyɛ adwene a, ye de né ohu ne wakyikyi bɔhyɛ bɔ ɔla braa ne so ne, anaa ye noa dwirɛ bɔ wandwene ye nwo yeɛ ɔhane bɔ ɔsɛ kyɛ odi so ne; na AWURADE kɔfa ye bɔne kɔhyɛ ye.

Romanfoɛ 7:2

Yiti brasua bɔ ogya biaa nen, mmeraa kyekye ye bata ohu ne wɔ mmerɛ bɔ ohu ne te ase ɔ; na sɛ ohu ne wu de a, mmeraa ngyekye ye mmata ohu ne ko.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”

1 Samuel 1:23

Na ohu Ɛlkana buale ye kyɛ, “Bɔ asusu ye nwo ne, yɔ sɔ ala. Nwondɛ maa oodwu mmerɛ bɔ ɛkɔpɛ ye nyɔfone koraka; na mesrɛ kyɛ AWURADE noa dwirɛ ɔ́bra nu.” Yiti Hana tenane awuro mane ɔwa ne nyɔfone kɔpem kyɛ ɔpɛle ye nyɔfone ɔ.