Numeri 30:3 - AHYERƐLƐ KRONGRON

³ Sɛ brasua bie hyɛ AWURADE bɔ, anaakyɛ ɔta ndaen fa foa edwirɛ bie aso a, wɔ mmerɛ bɔ ɔte taluwa bɔ ɔtɛ te ɔse awuro,

Numeri 30:3 Iomraidhean Croise

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Lewitikɔso 27:2

“Ka kyire Yisraelfoɛ kyɛ, Sɛ ebie to ye noa nu tui fa kuro sona ye ti nyɔboɛ bɔ AWURADE anohoba sonongo a, odi kyɛ otua ye kyɛbɔ bahyehyɛ bato berɛ ne ala.

Numeri 30:2

Sɛ bienzua bie hyɛ AWURADE bɔ, anaakyɛ sɛ ɔta ndaen fa foa edwirɛ bie aso a, onni kyɛ obu edwirɛ bɔ waha ne aso. Odi kyɛ ɔyɔ bɔ wato ye noa nu tui waha ne biala.

Numeri 30:4

na sɛ ɔse te ye bɔhyɛ ne, anaa ye ndaen bɔ wata wafa wafoa edwirɛ so ne, nakoso wanga hwee wangyire taluwa ne a, ye de odi kyɛ taluwa ne di ye bɔhyɛ ne amu so, ɔne ye nwo nikyee bɔ watua ne koso so.

Numeri 6:2

“Ka kyire Yisraelfoɛ kyɛ, Sɛ bienzua anaa brasua bie bɔ anohoba sonongo, bɔ ɔte nasiritefoɛ anohoba, kyɛ watu ye nwo wasie berɛ wama AWURADE a,

1 Korintofoɛ 14:34

ɛ́mɔma ɛmɔ mmrasua mɔ bemua bɛ noa wɔ asɔre mɔ nu. Ofikyɛ belle ye nwo ate kyɛ bedwudwo ɔ, na mmom bɛbrɛ bɛ nwo ase kyɛbɔ mmeraa ne kã ne.

Yosua 9:18

Nakoso Yisraelfoɛ anguku bɛ, ofikyɛ né Yisrael ɛlɔen ne anu mbanyi bali moa bafa AWURADE Yisrael Nyameɛ bata ndaen bahyire bɛ. Afei ɛlɔen ne amukoraa penepenene bɛ komvi beguale mbanyi nemɔ so.

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”