Numeri 30:15 - AHYERƐLƐ KRONGRON

¹⁵ Na sɛ ohu ne te edwirɛ ne, nakoso ɔma aleɛ kye so koraka né wakyikyi wafi berɛ a, ye de ɔkɔsoa braa ne amumuyɛɛ.”

Numeri 30:15 Iomraidhean Croise

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Numeri 30:12

Nakoso sɛ ohu ne te edwirɛ ne, ná sɔ mmerɛ ne ala a, okyikyi bɔhyɛ ne ɔne anohoba ne fi berɛ a, ye de anohoba biala bɔ braa ne wafa ye noa wabɔ, anaa ndaen biala bɔ wata wafa wafoa edwirɛ so ne, ɔnzɛ kyɛ odi so. Ohu ne akyikyi afi berɛ, na AWURADE kɔfa kɔhyɛ braa ne.

Numeri 30:14

Nakoso sɛ ohu ne wanga ye nwo hwee wangyire braa ne, ná ɔma aleɛ kye so a, ye de né wale braa ne bɔhyɛ ne amukoraa, anaa ye anohoba bɔ ɔla ye so ne amukoraa wato nu. Wale wato nu, ofikyɛ mmerɛ bɔ ɔtele dwirɛ ne, wanga ye nwo hwee wangyire braa ne.

Numeri 30:16

Ɛhemɔ ole ahyɛdeɛ mɔ bɔ AWURADE hyɛle Mose, bɔ ɔfa biaa ne ɔye nwo, ɔne bɔ ɔfa baba ne ɔwa brasua ababunu bɔ ɔtɛ te ɔse awuro nwo ɔ.

Numeri 30:5

Nakoso sɛ ye baba te ye dwirɛ ne, ná ɔne ye anyɛ adwene a, ye bɔ bɔ wahyɛ ne, anaa ndaen bɔ wata wafa wafoa edwirɛ so ne, nu biala ngɔyɛ adwuma. AWURADE kɔfa kɔhyɛ ye, ofikyɛ ye baba amaa wanwu ye kyɛ ɔne ye nyɛ adwene.

Numeri 30:8

Nakoso sɛ mmerɛ bɔ ohu kɔte dwirɛ ne, ɔma braa ne nwu kyɛ ɔne ye nyɛ adwene a, ye de né ohu ne wakyikyi bɔhyɛ bɔ ɔla braa ne so ne, anaa ye noa dwirɛ bɔ wandwene ye nwo yeɛ ɔhane bɔ ɔsɛ kyɛ odi so ne; na AWURADE kɔfa ye bɔne kɔhyɛ ye.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.