Numeri 30:12 - AHYERƐLƐ KRONGRON

¹² Nakoso sɛ ohu ne te edwirɛ ne, ná sɔ mmerɛ ne ala a, okyikyi bɔhyɛ ne ɔne anohoba ne fi berɛ a, ye de anohoba biala bɔ braa ne wafa ye noa wabɔ, anaa ndaen biala bɔ wata wafa wafoa edwirɛ so ne, ɔnzɛ kyɛ odi so. Ohu ne akyikyi afi berɛ, na AWURADE kɔfa kɔhyɛ braa ne.

Numeri 30:12 Iomraidhean Croise

Yeremia 44:17

Na mmom yɛkɔhɔ so yɛkɔyɔ nikyee biala bɔ yahã kyɛ yɛkɔyɔ ɔ: yɛkɔyera ayirefona yɛkɔma nyameɛso hemmaa, ná yabɔ anonneɛ afɔleɛ yama ye kyɛbɔ yɛ ne yɛ nana mɔ, y’ahemvo mɔ ne y’atitire mɔ yɛyɔle ye wɔ Yuda nguro ne Yerusalem mmorɔnoɛ mɔ so ne; ofikyɛ sɔ mmerɛ ne, né yɛnya aleɛ pee yɛdi, yɛnya ngɔsoɛ, na yande edwirɛ tɛɛ biala.”

Yeremia 44:19

[Yeɛ mmrasua nemɔ sele kyɛ,] “Mmerɛ bɔ yɛyerale ɛyɛɛ yɛmane nyameɛso hemmaa, ná yɛbɔle anonneɛ afɔleɛ yɛmane ye ne, aso yɛtone taterɛ yɛfa yɛsɔnene ye, yeɛ yɛbɔle anonneɛ afɔleɛ yɛmane ye bɔ yɛ hu mɔ bɛmbene so ɔ?

Numeri 15:25

Odi kyɛ ɔsɔfo ne pata ma Yisrael maen ne amu, na AWURADE kɔfa bɛ bɔne kɔhyɛ bɛ. Banhyɛ da, yeɛ afei babɔ afɔleɛ wɔ see so bama AWURADE, na babɔ bɛ bɔne nwo afɔleɛ wɔ AWURADE nyunu, ɔnate bɛ mvomsoɛ ti.

Numeri 15:28

Sɛ ebie anhyɛ da ná ɔyɔ mvomsoɛ a, ɔsɔfo ne kɔpata kɔma sɔ sona ne wɔ AWURADE nyunu, na AWURADE kɔfa ye mvomsoɛ kɔhyɛ ye.

Numeri 30:11

bɔ ohu tele koso wanga hwee wangyire braa ne, bɔ wamma braa ne wannwu ye kyɛ ɔne ye nyɛ adwene a, ye de odi kyɛ braa ne di ye bɔhyɛ ne amu so, ɔne ndaen biala bɔ wata wafa wafoa edwirɛ so ne aso.

Numeri 30:13

Anohoba biala anaa ndaen biala bɔ braa ne ta fa tua ye nwo nikyee biala de, ohu ne kɔhora kɔmaa ɔkɔyɔ adwuma, anaa ɔkɔhora kokyikyi kofi berɛ.

Numeri 30:5

Nakoso sɛ ye baba te ye dwirɛ ne, ná ɔne ye anyɛ adwene a, ye bɔ bɔ wahyɛ ne, anaa ndaen bɔ wata wafa wafoa edwirɛ so ne, nu biala ngɔyɛ adwuma. AWURADE kɔfa kɔhyɛ ye, ofikyɛ ye baba amaa wanwu ye kyɛ ɔne ye nyɛ adwene.

Numeri 30:8

Nakoso sɛ mmerɛ bɔ ohu kɔte dwirɛ ne, ɔma braa ne nwu kyɛ ɔne ye nyɛ adwene a, ye de né ohu ne wakyikyi bɔhyɛ bɔ ɔla braa ne so ne, anaa ye noa dwirɛ bɔ wandwene ye nwo yeɛ ɔhane bɔ ɔsɛ kyɛ odi so ne; na AWURADE kɔfa ye bɔne kɔhyɛ ye.

1 Korintofoɛ 11:3

Na mepena kyɛ ɛmɔte ye bo kyɛ Kristo te bienzua biala mene, brasua koso ohu te ye mene, na Nyameɛ koso te Kristo mene.

1 Samuel 1:23

Na ohu Ɛlkana buale ye kyɛ, “Bɔ asusu ye nwo ne, yɔ sɔ ala. Nwondɛ maa oodwu mmerɛ bɔ ɛkɔpɛ ye nyɔfone koraka; na mesrɛ kyɛ AWURADE noa dwirɛ ɔ́bra nu.” Yiti Hana tenane awuro mane ɔwa ne nyɔfone kɔpem kyɛ ɔpɛle ye nyɔfone ɔ.