Numeri 3:9 - AHYERƐLƐ KRONGRON

⁹ Ma Lewifoɛ mɔ bewura Aarɔn ne ye mma mmienzua mɔ bo; maye bɛ mafi Yisraelfoɛ nu bɔkɔɔ mafa bɛ mama Aarɔn.

Numeri 3:9 Iomraidhean Croise

1 Aberɛso Dwirɛ 15:2

Na Dawide fale ahyɛdeɛ mane bɛ kyɛ nnɛma ebiala soa Nyameɛ apam alaka ne, sana Lewifoɛ angome, ofikyɛ AWURADE atu bɛ asie berɛ kyɛ bɛsoa AWURADE alaka ne, na bɛsɔne wɔ ye nyunu afebɔɔ.

1 Aberɛso Dwirɛ 6:33

Mmenia bɔ bɛyɔle sɔ adwuma ne, bɛ ne bɛ mma mmienzua mɔ ɛhe: Kohatefoɛ bɛ deɛ ole edweintolɛniɛ Heman bɔ ye baba ole Yowel, bɔ ye baba ole Samuel,

Ɛsra 2:43

Asɔneyɛɛ sua nu somvoɛ mɔ: Bɛte mmenia hemɔ bɛ boso ama: Siha, Hasufa, Tabayote,

Ɛsra 6:18

Afei bɛmane asɔfo nemɔ hɔle bɛ kure kure nu, yeɛ Lewifoɛ nemɔ koso bɛ fekue fekue nu. Na bɛfale Nyameɛ sɔnenɛ nwo adwuma wɔ Yerusalem bewurale bɛ sa, kyɛbɔ bahyerɛ ye Mose nwomaa ne anu ne.

Ɛsra 8:20

Asa koso, asɔneyɛɛ sua nu somvoɛ mɔ ɛyaa nyɔ ne aburanyɔ bɔ Dawide ne ye mbanyi betuli bɛ besiele berɛ kyɛ bɛbokaboka Lewifoɛ mɔ ne, bɛ koso bɛmaa bɛwale. Bɛ mukoraa bɛhyerɛle bɛ dumaa.

Numeri 16:9

Aso ɔte nikyee ba ma ɛmɔ, kyɛ Yisrael Nyameɛ waneanea Yisraelfoɛ nu waye ɛmɔ, ná wama ɛmɔ ate kyɛ ɛmɔbra ye nyunu bɛɛyɔ AWURADE nyianu sua ne anu adwuma, ná ɛmɔgyina maen ne anyunu bɛso bɛ ɔ?

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 3:8

Odi kyɛ bɛnea ɛtena sua atenaleɛ ne anu nningyein amukoraa so, ná begyina Yisraelfoɛ gya nu bɛyɔ nyianu sua ne anu adwuma bɛma bɛ.

Numeri 8:14

“Fa sɔ atee ye aso ye Lewifoɛ sie ahameɛ fi Yisraelfoɛ ngaa nemɔ anu, na Lewifoɛ mɔ kɔɔyɛ me deɛ.

Numeri 8:16

Ofikyɛ, Yisraelfoɛ nu, bɛ yeɛ batu bɛ basie berɛ bɔkɔɔ bama me ɔ. Matu bɛ masie berɛ mama me nwo, na mafa bɛ masi ebiala bɔ bekoli moa bɛkɔwo ye, bɔ bɛ yeɛ bɛte Yisrael bamuɛbaa mmienzua amukoraa bɛ gya nu.

Numeri 8:18

Mafa Lewifoɛ mɔ masi Yisraelfoɛ bamuɛbaa mmienzua amukoraa bɛ gya nu.

Numeri 8:19

Afei koso, maye Lewifoɛ masie ahameɛ mafi Yisraelfoɛ nu, na mafa bɛ mayɛ akyɛdeɛ mama Aarɔn ne ye mma mmienzua mɔ, kyɛ bɛyɔ ɛsɔnenɛ adwuma bɛma Yisraelfoɛ wɔ ɛtena sua atenaleɛ ne anu, ná bɛpata bɛma Yisraelfoɛ, amaa sɛ Yisraelfoɛ bepingye nekaa krongron ne a, amaneɛ biala ando bɛ.”

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Ɛfesofoɛ 4:8

Yiti ɔnwa: “Mmerɛ bɔ ɔfo hɔle anwuro anwuro nen; ɔhyele pee nnure ɔne bɛ hɔle, na ɔmane mmenia akyɛdeɛ.”