Numeri 3:7 - AHYERƐLƐ KRONGRON

⁷ Odi kyɛ bɛso wɔ nyianu sua ne anu, ná bɛyɔ adwuma bɛma Aarɔn ne maen ne amukoraa wɔ ɛtena sua atenaleɛ ne anyunu berɛ.

Numeri 3:7 Iomraidhean Croise

1 Aberɛso Dwirɛ 26:20

Lewifoɛ nemɔ anu, Nyameɛ awuro berɛ nekaa bɔ besie nningyein, ɔne nekaa bɔ besie nningyein bɔ batu basie berɛ bama Nyameɛ ne, Ahiya yeɛ né ɔnea so ɔ.

1 Aberɛso Dwirɛ 26:22

Yehieli mma mmienzua nemɔ, Setam ne oliɛma Yowel yeɛ né bɛwɛne AWURADE awuro nekaa bɔ besie nningyein ne ɔ.

1 Aberɛso Dwirɛ 26:26

Nana Dawide ne mbanyi bɔ bɛlela mmusua mmusua nemɔ noa, koɛhonɛfoɛ apee apee so safohene nemɔ, ɛyaa ɛyaa so safohene nemɔ, yeɛ safohene ngaa nemɔ, bɛ nningyein bɔ batu basie berɛ bama AWURADE ne nekaa bɔ besie sɔ nningyein nemɔ ne, sɔ Selomite ye, ɔne oliɛma mmienzua mɔ yeɛ né bɛnea so ɔ.

Lewitikɔso 8:35

Ɛ́mɔtena ɛtena sua atenaleɛ anoa nu berɛ eyia ne kɔngɔen ɛlɛsoo, ná ɛ́mɔyɔ bɔ AWURADE ahyɛ ne, amaa ɛmɔanwu ofikyɛ sɔ yeɛ AWURADE hyɛle me ɔ.”

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 3:32

Né ɔsɔfo Aarɔn awa Eleasa yeɛ ɔla Lewifoɛ mbanyi nemɔ noa, na ye yeɛ né ɔnea bɛ bɔ bɛyɔ nekaa krongron berɛ adwuma ne aso ɔ.

Numeri 3:8

Odi kyɛ bɛnea ɛtena sua atenaleɛ ne anu nningyein amukoraa so, ná begyina Yisraelfoɛ gya nu bɛyɔ nyianu sua ne anu adwuma bɛma bɛ.

Numeri 31:30

Nakoso Yisraelfoɛ ngaa bɛ bue deɛ ne de, nningyein aburannu biala, kyɛ mmenia oo, nandwie oo, afunum oo, mmoaen oo, mbɔngye oo, anaa kaka biala oo, ye nu ko, ná fa ma Lewifoɛ bɔ bɛso wɔ AWURADE nyianu sua ne anu ne.”

Numeri 8:11

Odi kyɛ Aarɔn fa Lewifoɛ mɔ bagyina AWURADE nyunu maa bɛyɛ ɛnwahanɛ afɔleɛ bɔ ofi Yisraelfoɛ berɛ ɔ, amaa ɔnate so Lewifoɛ bayɔ AWURADE adwuma.

Numeri 8:15

Sɛ ɛte Lewifoɛ mɔ anwo yie, ná ɛfa bɛ yɛ ɛnwahanɛ afɔleɛ wɔ AWURADE nyunu a, ye si ye, odi kyɛ Lewifoɛ mɔ bɛkɔhyɛ b’adwuma bo wɔ ɛtena sua atenaleɛ ne anu berɛ.