Numeri 3:6 - AHYERƐLƐ KRONGRON

⁶ “Ma Lewi abusua kure ne bɛbra, ná maa bɛɛyɛ Aarɔn somvoɛ bɛboka ye wɔ ɔsɔfo adwumayɔlɛ ne anu.

Numeri 3:6 Iomraidhean Croise

1 Aberɛso Dwirɛ 15:2

Na Dawide fale ahyɛdeɛ mane bɛ kyɛ nnɛma ebiala soa Nyameɛ apam alaka ne, sana Lewifoɛ angome, ofikyɛ AWURADE atu bɛ asie berɛ kyɛ bɛsoa AWURADE alaka ne, na bɛsɔne wɔ ye nyunu afebɔɔ.

1 Aberɛso Dwirɛ 23:28

Na b’adwuma ole kyɛ odi kyɛ bɛboka Aarɔn boso ama nemɔ wɔ AWURADE awuro berɛ ɛsɔnenɛ adwuma ne anu, odi kyɛ bɛnea aluo berɛ ne pumbu nemɔ aso, odi kyɛ bɛte nningyein krongron nemɔ amukoraa nwo, ná bɛboka Nyameɛ awuro berɛ ɛsɔnenɛ adwuma biala yɔlɛ nu.

1 Aberɛso Dwirɛ 23:32

Yiti odi kyɛ bɛnea ɛtena sua atenaleɛ ne ɔne nekaa krongron ne aso. Afei koso, Aarɔn boso ama bɔ yeɛ bɛte bɛ koso bɛ nwo ama ne, odi kyɛ bɛboka bɛ maa bɛyɔ AWURADE awuro berɛ ɛsɔnenɛ adwuma ne.”

1 Aberɛso Dwirɛ 6:33

Mmenia bɔ bɛyɔle sɔ adwuma ne, bɛ ne bɛ mma mmienzua mɔ ɛhe: Kohatefoɛ bɛ deɛ ole edweintolɛniɛ Heman bɔ ye baba ole Yowel, bɔ ye baba ole Samuel,

2 Aberɛso Dwirɛ 29:11

Me mma mɔ, nnɛma ɛmɔyɛ ngyɛkyerɛ, ofikyɛ AWURADE aneanea nu waye ɛmɔ kyɛ ɛmɔgyina ye nyunu bɛsɔne ye, na ɛmɔyɛ ye somvoɛ mɔ bɛyera ɛyɛɛ bɛma ye.”

Ɛsra 6:18

Afei bɛmane asɔfo nemɔ hɔle bɛ kure kure nu, yeɛ Lewifoɛ nemɔ koso bɛ fekue fekue nu. Na bɛfale Nyameɛ sɔnenɛ nwo adwuma wɔ Yerusalem bewurale bɛ sa, kyɛbɔ bahyerɛ ye Mose nwomaa ne anu ne.

Malaki 2:4

Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Numeri 18:21

“Nikyee biala bɔ ɔwɔ Yisrael ne, mafa nu buru nu ngyɛmuɛ ko mama Lewifoɛ. Ɛsolɛ bɔ bɛso wɔ ɛtena sua atenaleɛ ne anu ne, ye nwo akatuaa ɛne.

Numeri 2:17

“Odi kyɛ ɛtena sua atenaleɛ ne, ɔne Lewifoɛ asikyeleɛ nemɔ, bɛba asikyeleɛ ngaa nemɔ afia. Kyɛbɔ besi bɛhyehyɛle asikyeleɛ nemɔ ne, odi kyɛ abusua kure biala di ye nekaa.

Numeri 2:33

Nakoso kyɛbɔ AWURADE hyɛle Mose nen, Lewifoɛ mɔ de, banga bɛ bammoka Yisraelfoɛ ngaa nemɔ aso.

Numeri 3:5

Na AWURADE sele Mose kyɛ,

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.