Numeri 3:41 - AHYERƐLƐ KRONGRON

⁴¹ Nakoso Lewifoɛ de, ye bɛ sie berɛ ma me; Me ole AWURADE, ná fa bɛ si Yisraelfoɛ bamuɛbaa amukoraati bɛ gya nu. Lewifoɛ bɛ nyɛmmoa koso, fa bɛ si Yisraelfoɛ mɔ nyɛmmoa bamuɛbaa amukoraa bɛ gya nu.”

Numeri 3:41 Iomraidhean Croise

Numeri 18:15

Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Numeri 3:12

“Nea, maye Lewifoɛ ne mafi Yisraelfoɛ nu, na mafa bɛ masi Yisraelfoɛ bamuɛbaa mɔ amukoraa bɛ gya nu. Lewifoɛ mɔ kɔyɛ me deɛ,

Numeri 3:13

ofikyɛ bamuɛbaa amukoraa te me deɛ. Mmerɛ bɔ ngukuni Misraim aseɛ so bamuɛbaa amukoraa ne, nduli Yisrael bamuɛbaa amukoraa nziele berɛ mane me nwo, kyɛ mmenia deɛ oo, kyɛ ngaka deɛ oo; bɛte me deɛ. Me ole AWURADE.”

Numeri 3:42

Yiti Mose hale Yisraelfoɛ bamuɛbaa nemɔ amu, kyɛbɔ AWURADE hyɛle ye ne.

Numeri 3:45

“Fa Lewifoɛ mɔ si Yisraelfoɛ bamuɛbaa amukoraati bɛ gya nu, ná Lewifoɛ bɛ nyɛmmoa mɔ koso, fa bɛ si Yisraelfoɛ bɛ nyɛmmoa mɔ gya nu, na Lewifoɛ mɔ kɔyɛ me deɛ: Me ole AWURADE.

Numeri 8:16

Ofikyɛ, Yisraelfoɛ nu, bɛ yeɛ batu bɛ basie berɛ bɔkɔɔ bama me ɔ. Matu bɛ masie berɛ mama me nwo, na mafa bɛ masi ebiala bɔ bekoli moa bɛkɔwo ye, bɔ bɛ yeɛ bɛte Yisrael bamuɛbaa mmienzua amukoraa bɛ gya nu.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

1 Timoteo 2:6

bɔ ɔfa yɛle mbata mane mmenia amukoraati, adanzeɛ bɔ ɔwale nu wɔ mmerɛ bɔ bahyɛ bato berɛ ne anu ne.