Numeri 3:36 - AHYERƐLƐ KRONGRON

³⁶ Adwuma bɔ bɛfa bewurale Merari boso ama nemɔ sa ole kyɛ, bɛnea ɛhemɔ aso: nyianu sua ndaboa nemɔ, ye kwatena nemɔ, ye bonima nemɔ, ye nyinasoɛ, ɔne bɛ nwo nningyein amukoraati, ɔne adwuma biala bɔ ɔfa sɔ nningyein nemɔ anwo ɔ;

Numeri 3:36 Iomraidhean Croise

Ɛksadɔso 26:32

Fa sinze bɔsema bonima nna, bɔ bafa sikaa kɔkorɛ baboro bɛ nwo, bɔ bele sikaa kɔkorɛ ndɔkorɔ, bɔ begyigyi ɛdwetɛ nyinasoɛ nna so ɔ so.

Ɛksadɔso 26:37

Ma ɛtena ne osinze bɔsema bonima nnu bɔ bafa sikaa kɔkorɛ baboro bɛ nwo ɔ so. Fa sikaa kɔkorɛ yɔ bɛ tɔkorɔ nemɔ, ná fa kɔɔbere yɔ bɛ nyinasoɛ nnu ne.

Ɛksadɔso 35:11

nyianu sua ne ne ye nwo ndwurahoɛ ne, ye ndɔkorɔ, ye ndaboa mɔ, ye kwatena mɔ, ye bonima mɔ, ɔne ye nyinasoɛ mɔ;

Ɛksadɔso 35:18

nyianu sua pɛmbɛen nemɔ, aluo berɛ pɛmbɛen nemɔ, ɔne bɛ nyamaa mɔ;

Ɛksadɔso 36:36

Mbɛmuɛ tena ne, ɔfale bɔsema yɔle bonima nna sosɔle ye, na ɔfale sikaa kɔkorɛ borole bɛ nwo. Ɔfale sikaa kɔkorɛ yɔle bɛ tɔkorɔ nemɔ, na ɔmaa begyinagyinane ɛdwetɛ nyinasoɛ nna so.

Ɛksadɔso 39:33

Afei bɛfale nyianu sua ne bɛbrɛle Mose: ɛtena ne ne ye nwo nningyein amukoraa, ye ndɔkorɔ, ye ndaboa mɔ, ye kwatena mɔ, ye bonima mɔ, ɔne ye nyinasoɛ mɔ;

Numeri 3:35

Na Abihail awa bienzua Suriɛl yeɛ né ɔla Merari mmusua nemɔ bɛ noa ɔ; odi kyɛ bɛkyekye b’asikyeleɛ wɔ nyianu sua ne sorɔ.

Numeri 3:37

yeɛ bonima mɔ bɔ bapɛ aluo berɛ nwo babra bayia amukoraa, bɛ nyinasoɛ, bɛ pɛmbɛen mɔ, ɔne bɛ nyamaa mɔ.

Numeri 7:8

yeɛ ɔneane Merarifoɛ b’adwuma nwo mane bɛ teaseɛnam nna ne nandwie nyii mmɔtwɛ, na ɔsɔfo Aarɔn awa Yitama yeɛ né ɔnea Merarifoɛ nemɔ aso maa bɛyɔ b’adwuma ɔ.