Numeri 3:30 - AHYERƐLƐ KRONGRON

³⁰ na Yusiɛl awa bienzua Elisafan yeɛ né ɔla Kohatefoɛ b’abusua ne noa ɔ.

Numeri 3:30 Iomraidhean Croise

Ɛksadɔso 6:22

Yusiɛl mma mɔ ɛhe: Misael, Elsafan ne Sitri.

Lewitikɔso 10:4

Mose tole ye sa frɛle Aarɔn ɔse aliɛma Yusiɛl ye mma mmienzua Misael ne Ɛlsafan, na osele bɛ kyɛ, “Ɛ́mɔpingye wa ná ɛmɔsoa ɛmɔ aliɛma nemɔ béfi nekaa krongron ne anyunu berɛ bɛhɔ asikyeleɛ ne asi dɔ.”

Numeri 3:27

Kohate boso ama deɛ ole Amramfoɛ abusua, Yisarefoɛ abusua, Hebronfoɛ abusua ɔne Yusiɛlfoɛ abusua; Kohatefoɛ mmusua nemɔ ɛne.

Numeri 3:29

Odi kyɛ Kohatefoɛ mmusua nemɔ bɛkyekye b’asikyeleɛ wɔ nyianu sua ne ngwaen,

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Numeri 4:4

Kohatefoɛ mɔ, b’adwuma wɔ ɛtena sua atenaleɛ ne anu ole kyɛ bɛkɔnea nningyein krongron paa nemɔ aso.