Numeri 3:25 - AHYERƐLƐ KRONGRON

²⁵ Gɛsɔn boso ama nemɔ, b’adwuma wɔ ɛtena sua atenaleɛ ne anu ole kyɛ, bɛ́nea ɛhemɔ amukoraa so: nyianu sua ne, pumbu ne ɔne ye ngatasoɛ, ɛtena bɔ onwi ɛtena sua atenaleɛ anoa nu berɛ ne,

Numeri 3:25 Iomraidhean Croise

1 Aberɛso Dwirɛ 23:32

Yiti odi kyɛ bɛnea ɛtena sua atenaleɛ ne ɔne nekaa krongron ne aso. Afei koso, Aarɔn boso ama bɔ yeɛ bɛte bɛ koso bɛ nwo ama ne, odi kyɛ bɛboka bɛ maa bɛyɔ AWURADE awuro berɛ ɛsɔnenɛ adwuma ne.”

2 Aberɛso Dwirɛ 31:2

Hesekia hyehyɛle asɔfo nemɔ ne Lewifoɛ nemɔ anu kure kure fale ebiala ye adwuma wurale ye sa; kyɛ asɔfo nemɔ ne Lewifoɛ nemɔ bɛ́bɔ naen yeralɛ afɔleɛ ne asomdwee afɔleɛ, kyɛ bɛ́yɔ ɛsɔnenɛ adwuma wɔ AWURADE asikyeleɛ pambim nemɔ anu, ná bɛ́ye AWURADE ayɛ bɛ́la ye ase.

Ɛksadɔso 25:9

Nyianu sua ne, kyɛbɔ mebaahyire wɔ ne, sɔ ala yeɛ ɔsɛ kyɛ ɛmɔyɔ ye sɛso ne nu nningyein amukoraa pɛpɛɛpɛ ɔ.

Ɛksadɔso 40:19

Afei ɔfale nwomaa ne kuruli nyianu sua ne aso, na ɔfale ɛtena sua ngatasoɛ ne katale so, kyɛbɔ AWURADE hyɛle Mose nen.

Ɛksadɔso 40:28

Asa koso, ɔfale nyianu sua anoa nu berɛ tena ne nwini berɛ.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 10:17

Afei betutuli nyianu sua ne, na Gɛsɔnfoɛ ne Merarifoɛ bɔ bɛ yeɛ bɛsoa nyianu sua ne, betuli bɛ bo.

Numeri 3:24

na Layel awa bienzua Eliasafe yeɛ né ɔla Gɛsɔnfoɛ b’abusua ne noa ɔ.

Numeri 3:7

Odi kyɛ bɛso wɔ nyianu sua ne anu, ná bɛyɔ adwuma bɛma Aarɔn ne maen ne amukoraa wɔ ɛtena sua atenaleɛ ne anyunu berɛ.

Numeri 7:7

Ɔneane Gɛsɔnfoɛ b’adwuma nwo mane bɛ teaseɛnam nyɔ ne nandwie nyii nna,

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

1 Timoteo 1:18

Mma Timoteo, ahyɛdeɛ he yeɛ mefa mewura wɔ sa ɔ, kyɛbɔ ngɔm dwirɛ bɔ mmerɛ bie bɛhã bɛfale wɔ nwo ne ɔte ne, kyɛ ɔ́hyɛ wɔ nguraen, ná fa ko koɛ paa ne,