Numeri 3:10 - AHYERƐLƐ KRONGRON

¹⁰ Tu Aarɔn ne ye mma mmienzua mɔ sie berɛ, na bɛ yeɛ odi kyɛ bɛyɔ sɔfo adwuma ne ɔ. Sɛ ebie mbaen kɔ ɔsɔfo adwuma ne anwo a, odi kyɛ beku ye.”

Numeri 3:10 Iomraidhean Croise

2 Samuel 6:7

AWURADE fɛle Yusa so yaa, ofikyɛ ɔtengyɛle ye sa sɔle alaka ne anu. Nyameɛ bɔle ye tole ase wɔ berɛ, na owuli tɔle Nyameɛ alaka ne anwo berɛ.

1 Ahemvo 12:31

Yeroboam sisili sua wɔ asɔneyɛɛ nemɔ aso, na ɔneane maen ne anu yeyele kwahweabaa biemɔ bɔ nna Lewifoɛ ahɔ ɔ hyɛle bɛ sɔfo.

1 Aberɛso Dwirɛ 6:32

Bɛ yeɛ né bɛto dwein bɛfa bɛsɔne Nyameɛ wɔ nyianu ɛtena sua ne nyunu ɔ, kɔpem kyɛ Solomon sili AWURADE asɔneyɛɛ sua ne wɔ Yerusalem yiele ɔ. Na begyinane nhyehyɛleɛ bɔ bafa bama bɛ ne aso bɛyɔle b’adwuma.

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Hesekiel 44:8

Me nningyein krongron nemɔ, ɛmɔanyɔ bɛ nwo adwuma ne, na mmom mmeni foforɛ yeɛ ɛmɔafa bɛ kyɛ bɛyɔ me nekaa krongron berɛ adwuma ne ɔ.

Lewitikɔso 22:10

“Ebiala bɔ ɔbboka asɔfo abusua kure ne aso ne, nnɛmaa odi akyɛdeɛ krongron ne bie. Ɛwɔfoɛ bɔ waasikye ɔsɔfo, anaa sona biala bɔ ɔsɔfo bie abɔ ye paa ne, ɔnzɛ kyɛ odi akyɛdeɛ krongron ne bie.

Numeri 1:51

Sɛ mmerɛ dwu kyɛ ɛmɔtutu nyianu sua ne bɛkɔ a, odi kyɛ Lewifoɛ nemɔ yeɛ betutu ɔ. Na odwu ye silɛ so a, odi kyɛ Lewifoɛ mɔ besa bɛnea bɛhyehyɛ. Na sɛ ebiala bɔ nna Lewiniɛ ahɔ ɔ opingye ɛtena sua ne a, odi kyɛ beku ye.

Numeri 16:10

Wama wɔ ne eliɛma mɔ Lewifoɛ amukoraa ate ama ɛmɔawa ye nyunu; nakoso afei de ɛmɔpere asɔfo adwuma ne bɛboka so!

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 18:3

Odi kyɛ bɛso wɔ ná bɛyɔ ɛtena sua ne anu adwuma amukoraa. Nakoso onni kyɛ bepingye nekaa krongron berɛ nningyein nemɔ, anaakyɛ afɔleɛ bokyea ne, amaa ɔnate so bɛ ne ɛmɔ, ɛmɔanwuwu.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 3:11

Na AWURADE sele Mose kyɛ,

Numeri 3:38

Na bɛ bɔ odi kyɛ bɛkyekye b’asikyeleɛ wɔ nyianu sua ne nyunu, wɔ ye eyia afiteleɛ so yeɛ ole Mose ne Aarɔn ne Aarɔn mma mmienzua nemɔ. Nekaa krongron berɛ sɔnenɛ adwuma biala bɔ odi kyɛ bɛyɔ bɛma Yisraelfoɛ ne, bɛ yeɛ owura bɛ sa ɔ. Sɛ ebie mbaen pingye nekaa krongron ne a, odi kyɛ beku ye.

Romanfoɛ 12:7

sɛ ɔte ɛsolɛ a, ɛmɔma yɛso; sɛ ɔte ngyerɛkyerɛ a, ɛmɔma yɛhyirehyire;

Ɛfesofoɛ 2:19

Yiti afei de, ɛmɔtte ɛwɔfoɛ ne amanvrafoɛ ko, na mmom ɛmɔ ne anwoteefoɛ nemɔ bɛte maen mmaa ne Nyameɛ awuro ama.

Deuteronomi 18:5

Ofikyɛ AWURADE wɔ Nyameɛ waneanea nu waye Lewi wafi w’abusua kure ne amukoraa nu, kyɛ ɔne ye bosofoɛ bégyina bɛ́yɔ ɔsɔfo adwuma wɔ AWURADE dumaa nu mmerɛ biala.

Hebrifoɛ 8:4

Na sɛ ɔwɔ aseɛ ye aso a, ahaa ɔngɔyɛ sɔfo po, ofikyɛ asɔfo mɔ wɔ berɛ bɔ begyina mmeraa ne aso bɛfa ayɛyɛdeɛ bɛma ɔ.

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.