Numeri 29:7 - AHYERƐLƐ KRONGRON

⁷ “Sɔ bosome nzoo ne ala, ye eleburu ne aso, ɛ́mɔyɛ nyianu krongron. Ɛ́mɔhye hɔen, na nnɛma ɛmɔyɔ adwuma biala.

Numeri 29:7 Iomraidhean Croise

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 13:3

Mekã mekyire ɛmɔ kyɛ, daabi. Nakoso sɛ ɛmɔanzakyera ɛmɔ adwene a, sɔ ala yeɛ ɛmɔ amukoraa ɛmɔkowu ɔ.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Asomafoɛ 27:9

Yɛsɛkyele mmerɛ pee wɔ berɛ; na nzue ne aso falɛ yɛle suro, ɔnate kyɛ né Bɔnefakyɛ Akɔngyere Kyẽa ne apɛnu. Yiti Pɔɔlo tuli bɛ foɛ kyɛ,

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

1 Korintofoɛ 9:27

Na mmom mehyɛ me nipadua ne anyeborolɛ maa odi yealɛ, ama nzɛmba bɔ mekã mekyire amanvoɛ ye, me bɔbɔ mambɛ me nwo manhwere nu saleɛ.