Numeri 29:6 - AHYERƐLƐ KRONGRON

⁶ Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.

Numeri 29:6 Iomraidhean Croise

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Lewitikɔso 6:9

“Hyɛ Aarɔn ne ye mma mmienzua nemɔ kyɛ, ‘Naen yeralɛ afɔleɛ nwo nhyehyɛleɛ ɛhe: Odi kyɛ naen yeralɛ afɔleɛ ne, ɔda agyegyemvia wɔ afɔleɛ bokyea ne aso kɔngɔen ne amukoraa maa okodwu ngyerɛmɔ, ná odi kyɛ see ne kɔ so gye wɔ afɔleɛ bokyea ne aso.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 15:4

ye de ebiala bɔ ɔbɔ sɔ afɔleɛ ne ma AWURADE ne, odi kyɛ ɔbɔ aburoo afɔleɛ koso boka so. Ɔ́fa aburoo esam paa olonka ko bɔ bafa ngoo towaa ko ne bue bafra ye ɔ.

Numeri 28:27

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma nyɔ, boaen nyii ko, mmoaen akrɔngrɔma nzoo bɔ bali afoɛ ngoko ɔ.

Numeri 29:18

ná ɛ́mɔfa nandwie nyii nemɔ, mmoaen nyii nemɔ ɔne mmoaen akrɔngrɔma nemɔ bɛ nwo aburoo afɔleɛ, ɔne bɛ nwo anonneɛ afɔleɛ nemɔ bɛ́boka so, kyɛbɔ bɛ somaa nwo nhyehyɛleɛ te ɔ.

Numeri 29:21

ná ɛ́mɔfa nandwie nyii nemɔ, mmoaen nyii nemɔ ɔne mmoaen akrɔngrɔma nemɔ bɛ nwo aburoo afɔleɛ, ɔne bɛ nwo anonneɛ afɔleɛ nemɔ bɛ́boka so, kyɛbɔ bɛ somaa nwo nhyehyɛleɛ te ɔ.

Numeri 29:5

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ maa ɔyɛ mbata ma ɛmɔ.

Numeri 7:13

Ye afɔleɛ ne ɛhe: talie bɔ bafa ɛdwetɛ bayɔ ɔ ko, bɔ nu nonɛ te kilo ko ne bue, ayaa ko bɔ bafa ɛdwetɛ bayɔ ɔ, bɔ nu nonɛ te kilo ko, kyɛbɔ nekaa krongron berɛ kilo nonɛ te ɔ. Né esam paa bɔ bafa ngoo bafra ye ɔ, bɔ bɛfa bɛbɔ aburoo afɔleɛ ɔ wayi bɛ munyɔ tɛkyɛ;

Numeri 9:14

Sɛ amanvraniɛ bie bɔ waatena ɛmɔ nu kuro kyɛ odi AWURADE Abɔtra aluolue ne bie a, óli ye kyɛbɔ Abɔtra aluolue ne nwo ahyɛdeɛ ne ye nwo nhyehyɛleɛ te ɔ. Amanvoraniɛ bɔ waatena ɛmɔ nu oo, maen ne anu niɛ oo, ahyɛdeɛ komapɛ yeɛ ɔla berɛ ma ɛmɔ ɔ.”