Numeri 29:39 - AHYERƐLƐ KRONGRON

³⁹ Ɛhemɔ ole aluolue bɔ AWURADE ahyehyɛ wato berɛ wama ɛmɔ ɔ. Odi kyɛ ɛmɔ bɔhyɛlɛ afɔleɛ nemɔ ɔne ɛmɔ akyɛdeɛ afɔleɛ nemɔ, ɔne ɛmɔ naen yeralɛ afɔleɛ, ɔne ɛmɔ aburoo afɔleɛ nemɔ, ɔne ɛmɔ anonneɛ afɔleɛ ɔne ɛmɔ asomdwee afɔleɛ nemɔ koso, ɛmɔbɔ.”

Numeri 29:39 Iomraidhean Croise

1 Aberɛso Dwirɛ 23:31

Afei odi kyɛ bɛyɔ sɔ mmerɛ biala bɔ bɛbɔ naen yeralɛ afɔleɛ bɛma AWURADE ɔ: afofikyẽa, ɛsraen foforɛ, ɔne aluolue amukoraa bɔ bahyehyɛ ɔ. Lewifoɛ somaa bɔ bɛ nwo kohia ne, odi kyɛ bɛyɔ adwuma ne wɔ AWURADE nyunu daa.

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

2 Aberɛso Dwirɛ 31:3

Nningyein bɔ Nana Hesekia ye fili ye bɔbɔ ye agyapadeɛ nu mane ne, ɔnwa bɛ́fa bɛ́bɔ naen yeralɛ afɔleɛ hemɔ: ngyerɛmɔ naen yeralɛ afɔleɛ ne nɔsoa deɛ, afofikyẽa naen yeralɛ afɔleɛ ne ɛsraen foforɛ naen yeralɛ afɔleɛ, ɔne aluolue bɔ bahyehyɛ bato berɛ nemɔ bɛ naen yeralɛ afɔleɛ, kyɛbɔ bahyerɛ ye wɔ AWURADE mmeraa ne anu ne.

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Ɛsra 3:5

Besa bɛbɔle daa daa naen yeralɛ afɔleɛ, ɛsraen foforɛ afɔleɛ, AWURADE aluolue krongron afɔleɛ ne amukoraa, ɔne akyɛdeɛ afɔleɛ bɔ ebiala ɔbɔ mane AWURADE ɔ.

Nehemia 10:33

paanoo krongron, daa daa aburoo afɔleɛ, daa daa naen yeralɛ afɔleɛ, afofingyẽa mɔ, ɛsraen foforɛ aluolue, aluolue bɔ bahyehyɛ bato berɛ nemɔ, akyɛdeɛ krongron ne, bɔnefakyɛ afɔleɛ bɔ bɛfa bɛyɛ mbata bɛma Yisrael ne, yeɛ yɛ Nyameɛ awuro ɛsɔnenɛ adwuma ne amukoraa.

Yesaya 1:14

Ɛmɔ ɛsraen foforɛ aluolue ne aluolue nemɔ, me kra kyi, ɔte ɛhawo ma me, bɔ bayɛ me so adesoa ɔ.

Lewitikɔso 23:2

“Ka kyire Yisraelfoɛ kyɛ, Ɛhemɔ ole aluolue ahoroɔ bɔ AWURADE atu asie berɛ ɔ, na ɛ́mɔfa bɛ́to dwaa kyɛ bɛte nyianu krongron; m’aluolue nemɔ mmerɛ ɛne.

Lewitikɔso 23:28

Nnɛma ɛmɔyɔ adwuma biala sɔ kyẽa ne amukoraa, ofikyɛ ɔte mbata kyẽa bɔ yeɛ bɛpata bɛma ɛmɔ wɔ AWURADE ɛmɔ Nyameɛ nyunu ɔ.

Lewitikɔso 23:38

AWURADE afofingyẽa nemɔ koso, odi kyɛ ɛmɔdi so, ná ɛ́mɔfa ɛmɔ ayɛyɛdeɛ, ɛmɔ aboadeɛ afɔleɛ amukoraa, ɔne ɛmɔ akyɛdeɛ afɔleɛ amukoraa bɔ ɛmɔfa bɛbrɛ AWURADE ne bɛboka so.

Lewitikɔso 7:11

“Asomdwee afɔleɛ bɔ bɛbɔ bɛma AWURADE ne anwo nhyehyɛleɛ ɛhe:

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Numeri 28:2

“Fa sɔ ahyɛdeɛ he ma Yisraelfoɛ kyɛ, M’afɔleɛ, aleɛ bɔ bɛbɔ ye see so bɛma me, bɔ ɔbo me fona ne, ɛ́mɔnea yé kyɛ ɛmɔkɔbɔ bɛkɔma me mmerɛ bɔ m’ahyɛ ne pɛpɛɛpɛ.

Numeri 29:38

Asa koso, daa biala naen yeralɛ afɔleɛ ne, ɔne ye nwo aburoo afɔleɛ ne, yeɛ ye nwo anonneɛ afɔleɛ ne, odi kyɛ ɛmɔfa abɔngye nyii ko bɛbɔ bɔne nwo afɔleɛ bɛboka so.

Numeri 29:40

Yiti Mose hane edwirɛ ne amukoraa hyirele Yisraelfoɛ, kyɛbɔ AWURADE hyɛle ye ne ala.

Numeri 6:21

Mmeraa he la berɛ ma nasiriteniɛ bɔ ɔkɔbɔ anohoba ɔ: ye afɔleɛ bɔ ɔfa ma AWURADE ne, odi kyɛ ɔbɔ ye kyɛbɔ nasiritefoɛ anohobabɔlɛ te ɔ, na odi kyɛ ɔfa nikyee bɔ ye nwo kɔsõ so ɔ ɔboka so. Anohoba biala bɔ ɔkɔbɔ ne, odi kyɛ ogyina nasiriteniɛyɛlɛ mmeraa so odi so.”

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.