Numeri 29:35 - AHYERƐLƐ KRONGRON

³⁵ Ye ɛlɛbɔtwɛ ne aso, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 29:35 Iomraidhean Croise

Nehemia 8:18

Na daa biala, ofi kyẽa bɔ oli moa ne kɔpem kyẽa bɔ ɔpɛ ye bo ne, ɔkengale Nyameɛ mmeraa nwomaa ne. Belili aluolue ne ɛlɛsoo. Na ɛlɛbɔtwɛ ne aso, bɛyɔle nyianu krongron kyɛbɔ nhyehyɛleɛ ne te ne.

Lewitikɔso 23:36

Ɛlɛsoo yeɛ ɛ́mɔbɔ see so afɔleɛ bɛ́ma AWURADE ɔ; na ye ɛlɛbɔtwɛ ne aso, ɛ́mɔyɛ nyianu krongron ná ɛ́mɔbɔ see so afɔleɛ bɛma AWURADE; ɔte nyianu krongron; nnɛma ɛmɔyɔ adwuma biala.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Numeri 29:12

Bosome nzoo ne, ye kyẽa bɔ ɔtɔ so buru ne nnu ne, ɛ́mɔyɛ nyianu krongron; Nnɛma ɛmɔyɔ adwuma biala. Ɛ́mɔli aluolue ɛlɛsoo bɛma AWURADE.

Numeri 29:34

Asa koso, daa biala naen yeralɛ afɔleɛ ne, ye nwo aburoo afɔleɛ ne, ɔne ye nwo anonneɛ afɔleɛ nemɔ, odi kyɛ ɛmɔfa abɔngye nyii ko bɛbɔ bɔne nwo afɔleɛ bɛboka so.

Numeri 29:36

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ wɔ see so bɛma ye: ɛ́mɔfa nandwie nyii ko, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ;