Numeri 29:29 - AHYERƐLƐ KRONGRON

²⁹ Ye elesia ne aso, ɛ́mɔfa ɛhemɔ bɛbɔ afɔleɛ: nandwie nyii mmɔtwɛ, mmoaen nyii nyɔ, mmoaen nyii akrɔngrɔma buru ne nna bɔ bali afoɛ ngoko, bɔ bellili nnɛen biala ɔ,

Numeri 29:29 Iomraidhean Croise

2 Aberɛso Dwirɛ 31:3

Nningyein bɔ Nana Hesekia ye fili ye bɔbɔ ye agyapadeɛ nu mane ne, ɔnwa bɛ́fa bɛ́bɔ naen yeralɛ afɔleɛ hemɔ: ngyerɛmɔ naen yeralɛ afɔleɛ ne nɔsoa deɛ, afofikyẽa naen yeralɛ afɔleɛ ne ɛsraen foforɛ naen yeralɛ afɔleɛ, ɔne aluolue bɔ bahyehyɛ bato berɛ nemɔ bɛ naen yeralɛ afɔleɛ, kyɛbɔ bahyerɛ ye wɔ AWURADE mmeraa ne anu ne.

Hesekiel 45:17

Ɛhene ne, ɔte ye asɛdeɛ kyɛ odwu aluolue nemɔ, ɛsraen foforɛ, afofingyẽa nemɔ ne Yisrael awuro ama b’aluolue amukoraa bɔ bahyehyɛ ne a, ɔkɔfa bɔne nwo afɔleɛ, aleɛ afɔleɛ ne anonneɛ afɔleɛ kɔwa ɔ. Ye yeɛ ɔkɔfa bɔne nwo afɔleɛ, aleɛ afɔleɛ, naen yeralɛ afɔleɛ ne asomdwee afɔleɛ bɔ bɛfa bɛpata bɛma Yisrael awuro ama ne kɔwa ɔ.

Numeri 29:28

Asa koso, daa biala naen yeralɛ afɔleɛ ne, ɔne ye nwo aburoo afɔleɛ ne, yeɛ ye nwo anonneɛ afɔleɛ ne, odi kyɛ ɛmɔfa abɔngye nyii ko bɛbɔ bɔne nwo afɔleɛ bɛboka so.

Numeri 29:30

ná ɛ́mɔfa nandwie nyii nemɔ, mmoaen nyii nemɔ ɔne mmoaen akrɔngrɔma nemɔ bɛ nwo aburoo afɔleɛ, ɔne bɛ nwo anonneɛ afɔleɛ nemɔ bɛ́boka so, kyɛbɔ bɛ somaa nwo nhyehyɛleɛ te ɔ.