Numeri 29:2 - AHYERƐLƐ KRONGRON

² Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma ko, boaen nyii ko, yeɛ mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ.

Numeri 29:2 Iomraidhean Croise

Ɛsra 3:6

Kyẽa bɔ oli moa wɔ bosome bɔ ɔtɔ so nzoo ne anu yeɛ bɛhyɛle ye bo bɛbɔle naen yeralɛ afɔleɛ bɛmane AWURADE ɔ. Nakoso né bennya bɛttole AWURADE asɔneyɛɛ sua fapem ne.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Numeri 28:19

Odi kyɛ ɛmɔbɔ naen yeralɛ afɔleɛ wɔ see so bɛma AWURADE: ɛ́mɔfa nandwie nyii akrɔngrɔma nyɔ, boaen nyii ko, ɔne mmoaen nyii akrɔngrɔma nzoo bɔ bali afoɛ ngoko ɔ. Nnɛma ɛmɔfa bɔ wali nnɛen biala ɔ.

Numeri 28:27

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma nyɔ, boaen nyii ko, mmoaen akrɔngrɔma nzoo bɔ bali afoɛ ngoko ɔ.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Numeri 29:3

Bɛ nwo aburoo afɔleɛ ne, odi kyɛ bɛfa esam paa bɔ bafa ngoo bafra ye ɔ yeɛ bɛbɔ ɔ. Bɛ́fa olonka nza bɛ́boka nandwie nyii ne aso, ná bɛ́fa olonka nyɔ bɛ́boka boaen nyii ne aso,

Numeri 29:36

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ wɔ see so bɛma ye: ɛ́mɔfa nandwie nyii ko, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ;

Numeri 29:8

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma ko, boaen nyii ko, yeɛ mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ.