Numeri 29:18 - AHYERƐLƐ KRONGRON

¹⁸ ná ɛ́mɔfa nandwie nyii nemɔ, mmoaen nyii nemɔ ɔne mmoaen akrɔngrɔma nemɔ bɛ nwo aburoo afɔleɛ, ɔne bɛ nwo anonneɛ afɔleɛ nemɔ bɛ́boka so, kyɛbɔ bɛ somaa nwo nhyehyɛleɛ te ɔ.

Numeri 29:18 Iomraidhean Croise

Lewitikɔso 2:1

“Sɛ ebie fa aburoo afɔleɛ brɛ AWURADE a, odi kyɛ ye afɔleɛ ne yɛ esam paa; óhwie ngoo ógua so, ɔ́fa ɛyɛɛ gua so,

Lewitikɔso 23:18

Odi kyɛ ɛmɔfa ɛhemɔ bɛboka paanoo ne aso: mmoaen nzoo bɔ bali afoɛ ngoko bɔ bellili nnɛen ɔ, nandwie nyii akrɔngrɔma ko, ɔne mmoaen nyii nyɔ; odi kyɛ bɛfa bɛbɔ naen yeralɛ afɔleɛ bɛma AWURADE. Aburoo afɔleɛ ne anonneɛ afɔleɛ ne koso boka so, na ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Numeri 28:14

B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Numeri 29:6

Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.