Numeri 29:12 - AHYERƐLƐ KRONGRON

¹² Bosome nzoo ne, ye kyẽa bɔ ɔtɔ so buru ne nnu ne, ɛ́mɔyɛ nyianu krongron; Nnɛma ɛmɔyɔ adwuma biala. Ɛ́mɔli aluolue ɛlɛsoo bɛma AWURADE.

Numeri 29:12 Iomraidhean Croise

1 Ahemvo 12:32

Aluolue bɔ né bedi ye wɔ Yuda wɔ bosome mmɔtwɛ ne anu, ye kyẽa bɔ ɔtɔ so buru ne nnu ne, Yeroboam hyehyɛle sɔ aluolue ne bie. Na ɔbobɔle afɔleɛ wɔ afɔleɛ bokyea so. Sɔ ala yeɛ ɔyɔle ye wɔ Betel ɔ, na ɔbɔle afɔleɛ mane nandwie mmaa bɔ wayɔ nemɔ. Na asɔneyɛɛ sua bɔ osisili ne, bɛ sɔfo nemɔ, ɔmaa bɛtenane Betel.

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Nehemia 8:14

Na AWURADE mmeraa bɔ ɔnate Mose so hyɛle ne, benwuni kyɛ bahyerɛ ye wɔ nu kyɛ bosome nzoo aluolue ne anu, odi kyɛ maen Yisrael bɛtena asese nu,

Nehemia 8:18

Na daa biala, ofi kyẽa bɔ oli moa ne kɔpem kyẽa bɔ ɔpɛ ye bo ne, ɔkengale Nyameɛ mmeraa nwomaa ne. Belili aluolue ne ɛlɛsoo. Na ɛlɛbɔtwɛ ne aso, bɛyɔle nyianu krongron kyɛbɔ nhyehyɛleɛ ne te ne.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 34:22

“Di Dapɛn Dapɛn aluolue ne, fa atokoɔ bɔ bedi moa bɛte ne yeɛ di ɔ. Di Aleɛ Noa Boaboalɛ aluolue ne wɔ afoɛ ne ayieleɛ.

Hesekiel 45:25

Bosome bɔ ɔtɔ so nzoo ne anu, ye eleburu ne nnu ne aso, aluolue ɛlɛsoo ne amukoraa, odi kyɛ ɔyɔ sɔ ala, kyɛ ɔkɔfa bɔne nwo afɔleɛ, naen yeralɛ afɔleɛ, aleɛ afɔleɛ ne ngoo kɔwa ɔ.

Lewitikɔso 23:7

Kyẽa bɔ oli moa ne, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

Numeri 29:13

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ wɔ see so bɛma ye: ɛ́mɔfa nandwie akrɔngrɔma buru ne nza, mmoaen nyii nyɔ ɔne mmoaen nyii akrɔngrɔma buru ne nna bɔ bali afoɛ ngoko, bɔ bellili nnɛen biala ɔ.

Numeri 29:35

Ye ɛlɛbɔtwɛ ne aso, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.