Numeri 29:11 - AHYERƐLƐ KRONGRON

¹¹ Afei koso, bɔne nwo mbata afɔleɛ ne, daa biala naen yeralɛ afɔleɛ ne, ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa abɔngye nyii ko bɛbɔ bɔne nwo afɔleɛ bɛ́boka so.

Numeri 29:11 Iomraidhean Croise

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Lewitikɔso 16:3

Sɛ Aarɔn ɔba nekaa krongron ne anu a, bɔ odi kyɛ ɔyɔ ɛhe: odi kyɛ ɔfa nandwie nyii akrɔngrɔma ko bɔ ɔfa bɔ bɔne nwo afɔleɛ ɔ ɔne boaen nyii bɔ ɔfa bɔ naen yeralɛ afɔleɛ.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 16:9

Odi kyɛ Aarɔn fa abɔngye bɔ serewa ne yele ye mane AWURADE ne, ná ɔfa bɔ bɔne nwo afɔleɛ;

Numeri 29:10

ná ɛ́mɔfa olonka ko bɛ́boka mmoaen akrɔngrɔma nzoo ne anu biala so.

Numeri 29:6

Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.

Hebrifoɛ 7:27

Ye de, ɔtte kyɛ asɔfo mbanyi paa hene mɔ, onhia kyɛ ɛlɛho biala odi moa bɔ ye bɔbɔ ye bɔne nwo afɔleɛ koraka na wabɔ maen deɛ, na mmom ɔfale ye nwo bɔle afɔleɛ pɛnko.