Numeri 28:6 - AHYERƐLƐ KRONGRON

⁶ Ɛhe te daa biala naen yeralɛ afɔleɛ, bɔ nhyehyɛle ye wɔ Sinai bokaa ne aso ɔ. Ɔte afɔleɛ fona bɔ bɛbɔ ye see so bɛma AWURADE ɔ.

Numeri 28:6 Iomraidhean Croise

2 Aberɛso Dwirɛ 2:4

Mepena kyɛ mesi awuro mefa AWURADE me Nyameɛ dumaa meto so, ná metu mesie berɛ mema ye maa bɛyera ɛyɛɛ fona wɔ ye nyunu, ná bɛbɔ daadaa paanoo folii afɔleɛ ne, ngyerɛmɔ ne nɔsoa naen yeralɛ afɔleɛ wɔ afofikyẽa ne ɛsraen foforɛ ɔne AWURADE yɛ Nyameɛ aluolue bɔ wahyehyɛ wato berɛ ne, kyɛbɔ wahyehyɛ wato berɛ wama Yisrael afebɔɔ ne.

2 Aberɛso Dwirɛ 31:3

Nningyein bɔ Nana Hesekia ye fili ye bɔbɔ ye agyapadeɛ nu mane ne, ɔnwa bɛ́fa bɛ́bɔ naen yeralɛ afɔleɛ hemɔ: ngyerɛmɔ naen yeralɛ afɔleɛ ne nɔsoa deɛ, afofikyẽa naen yeralɛ afɔleɛ ne ɛsraen foforɛ naen yeralɛ afɔleɛ, ɔne aluolue bɔ bahyehyɛ bato berɛ nemɔ bɛ naen yeralɛ afɔleɛ, kyɛbɔ bahyerɛ ye wɔ AWURADE mmeraa ne anu ne.

Ɛsra 3:4

Belili Asese aluolue ne, kyɛbɔ bahyerɛ bato berɛ ne. Ngaka somaa bɔ ɛlɛho biala odi kyɛ bɛfa bɛbɔ naen yeralɛ afɔleɛ wɔ aluolue ne anu ne, belili so kyɛbɔ nhyehyɛleɛ ne te ne ala.

Edwein 50:8

Nna wɔ ngaka afɔleɛ ne ati yeɛ mekã wɔ nyunu ɔ; wɔ naen yeralɛ afɔleɛ ne, ɔwɔ me nyunu daa.

Ɛksadɔso 24:18

Mose worole munungum ne anu, na ɔhɔle bokaa ne aso. Na Mose lili bokaa ne aso eleburanna, eyia ne kɔngɔen.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Hesekiel 46:14

Bɔ ye nwo aleɛ afɔleɛ ngyerɛmɔ biala, graa ko ye ngyɛmuɛ nzia, ɔne ngoo galɔn ko ye ngyɛmuɛ nza bɔ bɛkɔfa bɛkɔfɔre esam paa ne ɔ, ná ɔyɛ daa biala aleɛ afɔleɛ ma AWURADE, nhyehyɛleɛ bɔ ɔla berɛ daa hɔ ɛne.

Hesekiel 46:15

Odi kyɛ bɛfa boaen akrɔngrɔma ne, aleɛ afɔleɛ ne ne ngoo ne bɛba ngyerɛmɔ biala, maa ɔyɛ daa biala naen yeralɛ afɔleɛ.

Lewitikɔso 27:34

Ɛhemɔ ole mmeraa dwirɛ bɔ AWURADE nate Mose so fa mane Yisraelfoɛ wɔ Sinai bokaa ne aso ne.

Lewitikɔso 6:9

“Hyɛ Aarɔn ne ye mma mmienzua nemɔ kyɛ, ‘Naen yeralɛ afɔleɛ nwo nhyehyɛleɛ ɛhe: Odi kyɛ naen yeralɛ afɔleɛ ne, ɔda agyegyemvia wɔ afɔleɛ bokyea ne aso kɔngɔen ne amukoraa maa okodwu ngyerɛmɔ, ná odi kyɛ see ne kɔ so gye wɔ afɔleɛ bokyea ne aso.

Amose 5:25

“Ao Yisrael awuro ama, afoɛ aburanna bɔ né ɛmɔwɔ ɛserɛ so ne, aso ɛmɔbɔle naen yeralɛ afɔleɛ ne aleɛ afɔleɛ bɛmane me?

Numeri 28:5

Odi kyɛ ɛfa esam paa olonka ko, bɔ bafa ngoo bɔ bahwi towaa ko ne bue bafra ɔ, ɛbɔ aburoo afɔleɛ boka so.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Filipifoɛ 2:17

Na sɛ ɔba kyɛ behwie me begua kyɛ afɔlebɔdeɛ wɔ ɛmɔ gyidie solɛ nwo a, ɔyɛ me fɛ, na me ne ɛmɔ amukoraa yɛdi ahurusi.