Numeri 28:4 - AHYERƐLƐ KRONGRON

⁴ Fa boaen nyii ko bɔ afɔleɛ ngyerɛmɔ ná fa ko ne koso bɔ afɔleɛ nɔsoa.

Numeri 28:4 Iomraidhean Croise

1 Ahemvo 18:29

Eyiagyina pɛle nu ne, bɛhɔle so belili ahɔen alaa kɔpem kyɛ mmerɛ bɔ odi kyɛ bɛbɔ aburoo afɔleɛ ne dwuli ɔ. Nakoso ebiala andɛ bɛ so, bannya mmuayɛɛ biala, yeɛ ebiala anye bɛ noa.

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

1 Aberɛso Dwirɛ 16:40

kyɛ bɛbɔ naen yeralɛ afɔleɛ bɛma AWURADE daa biala, ngyerɛmɔ ne nɔsoa, wɔ naen yeralɛ afɔleɛ bokyea ne aso, kyɛbɔ edwirɛ amukoraa bɔ AWURADE fa mane Yisrael, bɔ wamaa bahyerɛ ye wɔ ye mmeraa ne anu ne, ɔte ne ala.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Ɛksadɔso 12:6

Ɛ́mɔfa ye bésie toonn ma odwu bosome he anu kyẽa bɔ ɔtɔ so buru ne nna ne, na afei Yisrael maen ne amukoraa behũhũ bɛ mmoaen ne nɔsoa.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Lewitikɔso 3:7

Sɛ wɔ afɔleɛ ne te boaen ba a, ye de odi kyɛ ɛfa ba AWURADE nyunu.

Numeri 28:3

Na se bɛ kyɛ, afɔleɛ bɔ bɛbɔ ye see so bɔ odi kyɛ ɛmɔbɔ bɛma AWURADE ne ɛhe: daa biala, ɛ́mɔfa mmoaen nyii nyɔ bɔ bali afoɛ ngoko, bɔ bellili nnɛen biala ɔ, bɛbɔ afɔleɛ.

Numeri 28:5

Odi kyɛ ɛfa esam paa olonka ko, bɔ bafa ngoo bɔ bahwi towaa ko ne bue bafra ɔ, ɛbɔ aburoo afɔleɛ boka so.

Numeri 9:3

Sɔ bosome he, ye kyẽa bɔ ɔtɔ so buru ne nna ne, sɛ aleɛ dwo a, ɛ́mɔli ye kyɛbɔ ye nwo ahyɛdeɛ ne ye nwo nhyehyɛleɛ te ɔ wɔ mmerɛ bɔ mahyɛ ɔ nu.”