Numeri 28:30 - AHYERƐLƐ KRONGRON

³⁰ Ɛ́mɔfa abɔngye nyii ko bɛ́boka so maa ɔyɛ mbata ma ɛmɔ.

Numeri 28:30 Iomraidhean Croise

Gyenesise 37:31

Na bɛfale Yosef ataadeɛ ne, behuni abɔngye, na bɛfale ataadeɛ ne bɛfɔlefɔlele ye mogya ne.

Lewitikɔso 23:19

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ, ná ɛ́mɔfa mmoaen nyii nyɔ bɔ bali afoɛ ngoko bɛbɔ asomdwee afɔleɛ.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 28:15

Na odi kyɛ bɛfa abɔngye nyii ko bɛbɔ bɔne nwo afɔleɛ bɛma AWURADE. Bɛ́fa bɛ́boka daa biala naen yeralɛ afɔleɛ ne ɔne ye anonneɛ afɔleɛ ne aso.

Numeri 28:22

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ maa ɔyɛ mbata ɔma ɛmɔ.

Numeri 28:29

Odi kyɛ ɛmɔfa olonka ko bɛboka mmoaen akrɔngrɔma nzoo ne anu biala so.

Numeri 28:31

Sɔ afɔleɛ nemɔ ne b’anonneɛ afɔleɛ nemɔ, odi kyɛ ɛmɔbɔ bɛboka daa biala naen yeralɛ afɔleɛ ne ɔne ye aburoo afɔleɛ ne aso. Onni kyɛ bɛ nu biala nwo nya ngekalewa biala.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,