Numeri 28:26 - AHYERƐLƐ KRONGRON

²⁶ Fieso aleɛ bɔ bekoli moa bɛkɔfa ne, ye aluolue kyẽa ne, sɛ ɛmɔfa aburoo foforɛ bɛbɔ aburoo afɔleɛ bɛma AWURADE wɔ ɛmɔ Dapɛn Dapɛn aluolue ne anu a, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 28:26 Iomraidhean Croise

Ɛksadɔso 12:16

Ɔsɛ kyɛ ɛmɔyɛ nyianu krongron wɔ kyẽa bɔ oli moa ne, yeɛ kyẽa bɔ ɔtɔ so nzoo ne koso ɛ́mɔyɛ nyianu krongron. Nnɛma ɛmɔyɔ adwuma wɔ sɔ ngyẽa ne; sana aleɛ bɔ ebiala koli angome yeɛ ɛ́mɔyɔ ye nwo adwuma ɔ.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 34:22

“Di Dapɛn Dapɛn aluolue ne, fa atokoɔ bɔ bedi moa bɛte ne yeɛ di ɔ. Di Aleɛ Noa Boaboalɛ aluolue ne wɔ afoɛ ne ayieleɛ.

Lewitikɔso 23:10

“Ka kyire Yisraelfoɛ kyɛ, Sɛ ɛmɔbadwu aseɛ bɔ méfa méma ɛmɔ ne aso, ná ɛmɔfa so aleɛ a, ɛ́mɔfa ɛmɔ aleɛ bɔ oli moa ne taperɛ ko bɛbrɛ ɔsɔfo.

Lewitikɔso 23:8

Odi kyɛ ɛmɔbɔ see so afɔleɛ bɛma AWURADE ɛlɛsoo; na kyẽa bɔ ɔtɔ so nzoo ne, ɛ́mɔyɛ nyianu krongron; nnɛma ɛmɔyɔ adwuma biala.

Numeri 28:18

Kyẽa bɔ oli moa ne, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Numeri 28:27

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma nyɔ, boaen nyii ko, mmoaen akrɔngrɔma nzoo bɔ bali afoɛ ngoko ɔ.

Numeri 29:1

“Bosome nzoo ne, ye kyẽa bɔ oli moa ne, ɛ́mɔyɛ nyianu krongron; nnɛma ɛmɔyɔ adwuma biala. Ɔte kyẽa bɔ ɔsɛ kyɛ ɛmɔhu totorobɛndo nemɔ ɔ.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.