Numeri 28:2 - AHYERƐLƐ KRONGRON

² “Fa sɔ ahyɛdeɛ he ma Yisraelfoɛ kyɛ, M’afɔleɛ, aleɛ bɔ bɛbɔ ye see so bɛma me, bɔ ɔbo me fona ne, ɛ́mɔnea yé kyɛ ɛmɔkɔbɔ bɛkɔma me mmerɛ bɔ m’ahyɛ ne pɛpɛɛpɛ.

Numeri 28:2 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

1 Aberɛso Dwirɛ 23:31

Afei odi kyɛ bɛyɔ sɔ mmerɛ biala bɔ bɛbɔ naen yeralɛ afɔleɛ bɛma AWURADE ɔ: afofikyẽa, ɛsraen foforɛ, ɔne aluolue amukoraa bɔ bahyehyɛ ɔ. Lewifoɛ somaa bɔ bɛ nwo kohia ne, odi kyɛ bɛyɔ adwuma ne wɔ AWURADE nyunu daa.

2 Aberɛso Dwirɛ 23:18

Na Lewifoɛ bɔ bɛte asɔfo bɔ Dawide ahyehyɛ ato berɛ kyɛ bɛnea AWURADE awuro ne aso ne, Yehoada fale AWURADE awuro berɛ adwuma ne wurale bɛ sa, kyɛ bɛfa ahurusililɛ ne edweintolɛ bɛbɔ naen yeralɛ afɔleɛ bɛma AWURADE, kyɛbɔ bahyerɛ ye wɔ Mose mmeraa ne anu, ɔne kyɛbɔ Dawide ahyehyɛ ato berɛ ne.

2 Aberɛso Dwirɛ 31:3

Nningyein bɔ Nana Hesekia ye fili ye bɔbɔ ye agyapadeɛ nu mane ne, ɔnwa bɛ́fa bɛ́bɔ naen yeralɛ afɔleɛ hemɔ: ngyerɛmɔ naen yeralɛ afɔleɛ ne nɔsoa deɛ, afofikyẽa naen yeralɛ afɔleɛ ne ɛsraen foforɛ naen yeralɛ afɔleɛ, ɔne aluolue bɔ bahyehyɛ bato berɛ nemɔ bɛ naen yeralɛ afɔleɛ, kyɛbɔ bahyerɛ ye wɔ AWURADE mmeraa ne anu ne.

Ɛsra 3:2

Afei Yesua bɔ ye baba ole Yosadake ne, ɔne ye mmango asɔfo mɔ, yeɛ Sɛtiɛl awa Serubabɛl ne ye abusuafoɛ bɛbɔle ye bo besili Yisrael Nyameɛ afɔleɛ bokyea, bɔ bɛkɔbɔ naen yeralɛ afɔleɛ wɔ so ɔ, kyɛbɔ bahyerɛ ye wɔ Nyameɛ sona Mose mmeraa ne anu ne.

Ɛsra 3:3

Ɔwɔ nu kyɛ né besuro maen maen mɔ bɔ bapɛ bɛ nwo bayia ne de, nakoso besili afɔleɛ bokyea ne besiele ye boso, na bɛbɔle naen yeralɛ afɔleɛ wɔ so bɛmane AWURADE ngyerɛmɔ ne nɔsoa biala.

Nehemia 10:34

Afei koso, y’asɔfo, Lewifoɛ ne maen ne, yagua serewa yafa yaye mmerɛ bɔ afoɛ biala anu yɛ nu biala ye abusua kɔfa eyein kɔwa Nyameɛ awuro maa bɛkɔyera ye wɔ AWURADE yɛ Nyameɛ afɔleɛ bokyea ne aso, kyɛbɔ bahyerɛ ye wɔ mmeraa ne anu ne.

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Hesekiel 16:19

M’aleɛ bɔ mva mane wɔ kyɛ eli ne, bɔ ɔte esam paa ne ngoo ne woɛ ne, yeɛ ɛfa bɔle afɔleɛ fonafona mane bɛ ɔ. Bɔ osili hɔ ɛne, AWURADE Nyameɛ noa dwirɛ ɛne.

Hesekiel 20:41

Ngole ɛmɔ ngɔto nu kyɛ ɛyɛɛ fonafona, mmerɛ bɔ ngɔye ɛmɔ ngofi maen maen mɔ so, bɔ ngɔboaboa ɛmɔ noa ngofi aseɛ mɔ bɔ mabɔ ɛmɔ masande maagua so ne aso ne. Na ɔnate ɛmɔ so, me krongronyɛlɛ kɔla ali wɔ maen maen nemɔ bɛ nyunu.

Hesekiel 45:17

Ɛhene ne, ɔte ye asɛdeɛ kyɛ odwu aluolue nemɔ, ɛsraen foforɛ, afofingyẽa nemɔ ne Yisrael awuro ama b’aluolue amukoraa bɔ bahyehyɛ ne a, ɔkɔfa bɔne nwo afɔleɛ, aleɛ afɔleɛ ne anonneɛ afɔleɛ kɔwa ɔ. Ye yeɛ ɔkɔfa bɔne nwo afɔleɛ, aleɛ afɔleɛ, naen yeralɛ afɔleɛ ne asomdwee afɔleɛ bɔ bɛfa bɛpata bɛma Yisrael awuro ama ne kɔwa ɔ.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9

Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Malaki 1:12

Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Malaki 1:7

Ɛmɔfa aleɛ bɔ ye nwo agua efiɛ ɔ bɛbɔ afɔleɛ wɔ m’afɔleɛ bokyea so, nakoso ɛmɔbisa kyɛ, ‘Atee beni aso yeɛ yagua wɔ nwo fiɛ ɔ?’ Ye ole kyɛ, ɛmɔdwene kyɛ AWURADE poen ne de, ɛkora bu ye animtia.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 15:7

ná fa bobe nzaa towaa nyɔ bɔ anonneɛ afɔleɛ bɔ ɔbo AWURADE fona ɔ.

Numeri 28:1

AWURADE sele Mose kyɛ,

Numeri 29:39

Ɛhemɔ ole aluolue bɔ AWURADE ahyehyɛ wato berɛ wama ɛmɔ ɔ. Odi kyɛ ɛmɔ bɔhyɛlɛ afɔleɛ nemɔ ɔne ɛmɔ akyɛdeɛ afɔleɛ nemɔ, ɔne ɛmɔ naen yeralɛ afɔleɛ, ɔne ɛmɔ aburoo afɔleɛ nemɔ, ɔne ɛmɔ anonneɛ afɔleɛ ɔne ɛmɔ asomdwee afɔleɛ nemɔ koso, ɛmɔbɔ.”

Numeri 9:13

Nakoso ebiala bɔ ye nwo te, bɔ ottuli atee, nakoso wanni Abɔtra aluolue ne bie ne, odi kyɛ bɛpɛ ye asue befi ye mmenia nu, ofikyɛ wamva AWURADE afɔleɛ wammrɛ ye wɔ mmerɛ bɔ AWURADE ahyɛ ɔ nu. Sɔ sona ne, ye bɔne kɔbɔ ye ti so.

Numeri 9:7

na beebisale Mose kyɛ, “Ɔwɔ nu kyɛ yɛ nwo aha fuin ama yɛ nwo agua fiɛ de, nakoso nzu ati yeɛ odi kyɛ besi yɛ ate maa ye sɔ ti yɛngora yɛmva yɛ afɔleɛ yɛmmrɛ AWURADE wɔ mmerɛ bɔ wahyehyɛ wato berɛ ɔ nu, kyɛbɔ Yisraelfoɛ ngaa ne de bayɔ ne?”

2 Korintofoɛ 2:15

Ofikyɛ yɛte Kristo ayirefona wɔ Nyameɛ nyunu, na ye fona ne tu fa bɛ bɔ Nyameɛ gu so ode bɛ ngoa, ɔne bɛ bɔ begu so bemini so.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.