Numeri 28:15 - AHYERƐLƐ KRONGRON

¹⁵ Na odi kyɛ bɛfa abɔngye nyii ko bɛbɔ bɔne nwo afɔleɛ bɛma AWURADE. Bɛ́fa bɛ́boka daa biala naen yeralɛ afɔleɛ ne ɔne ye anonneɛ afɔleɛ ne aso.

Numeri 28:15 Iomraidhean Croise

Gyenesise 37:31

Na bɛfale Yosef ataadeɛ ne, behuni abɔngye, na bɛfale ataadeɛ ne bɛfɔlefɔlele ye mogya ne.

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:16

Sɔa yeɛ odi kyɛ ɔyɔ mbata ma nekaa krongron ne ɔ, ɔnate Yisrael ama bɛ nwo bɔ wagua fiɛ, bɛ mmeraatolɛ, ɔne bɛ bɔne amukoraa ti. Sɔ ala yeɛ odi kyɛ ɔyɔ ma ɛtena sua atenaleɛ bɔ ɔwɔ mmenia bɔ bɛ nwo nde ne b’afia ne ɔ.

Lewitikɔso 4:23

ná sɛ bɛfa bɔne bɔ yeɛ wayɔ ne bɛto ye nyunu a, ɔsɛ kyɛ ɔfa abɔngye nyii bɔ ollili nnɛen biala ɔ ɔbabɔ afɔleɛ.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 28:14

B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 28:22

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ maa ɔyɛ mbata ɔma ɛmɔ.

Numeri 28:3

Na se bɛ kyɛ, afɔleɛ bɔ bɛbɔ ye see so bɔ odi kyɛ ɛmɔbɔ bɛma AWURADE ne ɛhe: daa biala, ɛ́mɔfa mmoaen nyii nyɔ bɔ bali afoɛ ngoko, bɔ bellili nnɛen biala ɔ, bɛbɔ afɔleɛ.

Numeri 28:30

Ɛ́mɔfa abɔngye nyii ko bɛ́boka so maa ɔyɛ mbata ma ɛmɔ.

Numeri 29:16

Afei koso, daa biala naen yeralɛ afɔleɛ ne, ye nwo aburoo afɔleɛ ne, ɔne ye nwo anonneɛ afɔleɛ ne, odi kyɛ ɛmɔfa abɔngye nyii ko bɛbɔ bɔne nwo afɔleɛ bɛboka so.

Numeri 29:5

Afei koso, ɛ́mɔfa abɔngye nyii ko bɛ́bɔ bɔne nwo afɔleɛ maa ɔyɛ mbata ma ɛmɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.