Numeri 28:14 - AHYERƐLƐ KRONGRON

¹⁴ B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 28:14 Iomraidhean Croise

Ɛsra 3:5

Besa bɛbɔle daa daa naen yeralɛ afɔleɛ, ɛsraen foforɛ afɔleɛ, AWURADE aluolue krongron afɔleɛ ne amukoraa, ɔne akyɛdeɛ afɔleɛ bɔ ebiala ɔbɔ mane AWURADE ɔ.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Yeremia 48:35

Afei koso, ebiala bɔ ɔbɔ afɔleɛ wɔ asɔneyɛɛ mɔ so, ɔne ebiala bɔ ɔyera ɛyɛɛ ma ye nyameɛ mɔ ne, ngonua ye boso wɔ Moabo, AWURADE noa dwirɛ ɛne.

Hesekiel 46:4

Naen yeralɛ afɔleɛ bɔ ɛhene ne ɔbɔ ma AWURADE wɔ afofikyẽa ne, odi kyɛ ɔyɛ mmoaen akrɔngrɔma nzia bɔ bellili nnɛen ɔne boaen nyii ko bɔ ollili nnɛen ɔ.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Numeri 15:5

Afei koso, boaen akrɔngrɔma ko biala, fa bobe nzaa towaa ko ne bue yɛ anonneɛ afɔleɛ boka naen yeralɛ afɔleɛ anaa afɔleɛ ne aso.

Numeri 15:9

ye de fa ɛhemɔ boka nandwie nyii ne aso: aburoo afɔleɛ bɔ ɔte esam paa olonka nza bɔ bafa ngoo towaa nza ne bue bafra ɔ,

Numeri 28:13

Esam paa olonka ko bɔ bafa ngoo bafra ye ne, odi kyɛ ɛmɔfa bɛbɔ aburoo afɔleɛ bɛboka boaen akrɔngrɔma ko biala so. Ɔte naen yeralɛ afɔleɛ bɔ ɔbo fona, bɔ bɛbɔ ye see so bɛma AWURADE ɔ.

Numeri 28:15

Na odi kyɛ bɛfa abɔngye nyii ko bɛbɔ bɔne nwo afɔleɛ bɛma AWURADE. Bɛ́fa bɛ́boka daa biala naen yeralɛ afɔleɛ ne ɔne ye anonneɛ afɔleɛ ne aso.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Numeri 29:18

ná ɛ́mɔfa nandwie nyii nemɔ, mmoaen nyii nemɔ ɔne mmoaen akrɔngrɔma nemɔ bɛ nwo aburoo afɔleɛ, ɔne bɛ nwo anonneɛ afɔleɛ nemɔ bɛ́boka so, kyɛbɔ bɛ somaa nwo nhyehyɛleɛ te ɔ.