Numeri 27:21 - AHYERƐLƐ KRONGRON

²¹ Nakoso odi kyɛ ɔba ɔsɔfo Eleasa nyunu maa ɔfa Yurim so obisa AWURADE noa dwirɛ ɔma ye wɔ AWURADE nyunu. AWURADE noa dwirɛ so yeɛ odi kyɛ ɔne Yisrael maen ne amukoraa begyina bɛyɔ nikyee biala ɔ.”

Numeri 27:21 Iomraidhean Croise

2 Samuel 21:1

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”

Ɛsra 2:63

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Nehemia 7:65

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Ɛksadɔso 28:30

Yurim ne Tumim ne, fa wurawura ahone so ndɛenbualɛ aguasoɛ ne anu, amaa bagua Aarɔn ahone so mmerɛ biala bɔ ɔkɔhɔ AWURADE nyunu ɔ. Yiti nikyee bɔ Yisraelfoɛ fa bisa Nyameɛ apɛdeɛ ne, Aarɔn kɔsoa ye wɔ ye ahone so wɔ AWURADE nyunu daa.

Lewitikɔso 8:8

Ɔfale ahone so aguasoɛ ne wurale ye, na ɔfale Yurim ne Tumim ne wurale ahone so aguasoɛ ne anu.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Numeri 27:17

sona bɔ okoli bɛ nyunu wɔ nikyee biala anu, na afei watua bɛ noa wɔ bɛ koɛhonɛ nu, amaa AWURADE mmenia banyɛ kyɛ mmoaen bɔ belle neafoɛ ɔ.”

Numeri 27:2

Mose, ɔsɔfo Eleasa, Yisrael mbanyi ɔne maen ne amukoraati bɛ nyunu wɔ ɛtena sua atenaleɛ anoa nu berɛ, na bɛhane kyɛ,

Numeri 27:20

Fa wɔ tumi ne bie wura ye sa, amaa ɔnate so Yisraelfoɛ amukoraa bayɛ sotie bama ye.

Numeri 27:22

Yiti Mose yɔle kyɛbɔ AWURADE hyɛle ye ne ala. Ɔyele Yosua, na ɔmaa oogyinane ɔsɔfo Eleasa ɔne maen ne amukoraa bɛ nyunu.

Numeri 27:5

Mose fale bɛ dwirɛ ne tole AWURADE nyunu.

Deuteronomi 31:3

AWURADE wɔ Nyameɛ bɔbɔ okoli wɔ nyunu moa kɔpɛ asue ne; na ɔkɔsɛkye maen maen hemɔ kofi wɔ nyunu maa ɛkɔfa b’aseɛ ne. Na Yosua koso okoli wɔ nyunu kɔpɛ asue ne, kyɛbɔ AWURADE aha ne.

Deuteronomi 33:8

Bɔ ɔha fale Lewi nwo ɛhe: Fa wɔ Tumim ne ma Lewi, fa wɔ Yurim ne ma wɔ krongronniɛ ne, bɔ esole ye neane wɔ Masa, ná ɛne ye perele so wɔ Meriba asue nwo ne.

Yosua 9:14

Yiti Yisraelfoɛ lili b’aleɛ ne bie, na bammisa AWURADE bandie ye noa dwirɛ.

Maenbulɛfoɛ 1:1

Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

Maenbulɛfoɛ 20:18

Yisraelfoɛ sili nu bɛhɔle Betel beebisale Nyameɛ kyɛ, “Yɛ nu abusua kure beni yeɛ oli moa ɔfa koɛ ɔɔteta Benyaminfoɛ ɔ?” Na AWURADE buale kyɛ, “Yuda abusua kure yeɛ odi kyɛ odi moa ɔkɔ ɔ.”

Maenbulɛfoɛ 20:23

Yeɛ Yisraelfoɛ beesuni wɔ AWURADE nyunu maa oodwuli nɔsoa, na bebisale AWURADE kyɛ, “Aso yɛsa yɛɛfa koɛ yɛteta y’eliɛma mɔ Benyaminfoɛ anaa?” Na AWURADE buale kyɛ, “Ɛ́mɔfa koɛ bɛɛteta bɛ.”

1 Samuel 14:19

Na Sɔɔlo noa wɔ so bɔ ɔne ɔsɔfo ne bedwudwo nen, bagyabagya bɔ né ɔ́kɔ so wɔ Filistifoɛ asikyeleɛ ne anu ne, ɔyɛle piri. Na Sɔɔlo sele ɔsɔfo ne kyɛ, “Alaka bɔ ɛfa bisa Nyameɛ berɛ dwirɛ ne, twe wɔ sa.”

1 Samuel 23:9

Na Dawide tele kyɛ Sɔɔlo abɔ ye ti so porɛ nen, osele ɔsɔfo Abiata kyɛ, “Fa ɔsɔfo ataadeɛ ne bra.”

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 30:7

Yeɛ Dawide sele Ahimɛlɛke awa ɔsɔfo Abiata kyɛ, “Fa ɔsɔfo ataadeɛ ne brɛ me.” Na Abiata fale ɔsɔfo ataadeɛ ne brɛle ye.