Numeri 27:18 - AHYERƐLƐ KRONGRON

¹⁸ Na AWURADE buale Mose kyɛ, “Ye Nun awa Yosua, bɔ sunzum ne akanyane ye ne, ná fa wɔ sa gua ye so.

Numeri 27:18 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

1 Aberɛso Dwirɛ 7:27

Nun, bɔ ɔwole Yosua ne.

Ɛksadɔso 17:9

Na Mose sele Yosua kyɛ, “Yeye yɛ nu mmienzua ne bie, ná ɛne Amalɛkefoɛ bɛɛho. Ngɔfa Nyameɛ pɔmaa ne ngotira ɛhema, na ngɔhɔ ngoogyina bokaa ne ti afia.”

Daniel 5:14

Mate wɔ nga kyɛ nyameɛ nemɔ bɛ sunzum wɔ wɔ nu, na banwu kyɛ kanea ne nimdeɛ ne nworɛ paa te wɔ nu.

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 13:16

Mmienzua bɔ Mose somane bɛ kyɛ bɛɛtetɛ maen ne, bɛ dumaa mɔ ɛne. Na Mose sesane Nun awa Hosea ye dumaa yɛle ye Yosua.

Numeri 13:8

Efraim abusua kure nu deɛ ole Nun awa Hosea;

Numeri 27:23

Mose fale ye sa guale Yosua so, na ɔfale ye tuale maen ne anoa, kyɛbɔ AWURADE nate Mose so hyɛle ne.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Asomafoɛ 13:3

Bɛyɔle akɔngyere, bɛbɔle mbaeɛ, bɛfale bɛ sa beguale Banaba ne Sɔɔlo so, na beguale bɛ ate.

Asomafoɛ 19:6

Na Pɔɔlo fale ye sa guale bɛ so ne, Sunzum Krongron wale bɛ so; bɛhane edwudwolɛ ahoroɔ, na bɛhyɛle ngɔm.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 6:6

Bɛmaa beegyinane asomafoɛ ne nyunu berɛ, na bɛfale bɛ sa beguale bɛ so bɛbɔle mbaeɛ bɛmane bɛ.

Deuteronomi 1:37

Ɔnate ɛmɔ ti, me koso AWURADE ahone huli me so, na osele kyɛ, ‘Wɔ koso, wɔ gya baa ngotia berɛ.

Deuteronomi 3:21

Sɔ mmerɛ ne, nhyɛle Yosua kyɛ ‘Nikyee biala bɔ AWURADE ɛmɔ Nyameɛ afa ayɔ sɔ ahemvo nyɔ hemɔ amukoraa ne, wɔ nye tua. Na maen maen mɔ bɔ ɛkwaapɛ nu berɛ kɔ ne, sɔ ala yeɛ AWURADE kɔfa kɔyɔ bɛ ɔ.

Deuteronomi 3:28

Nakoso fa w’adwuma ne wura Yosua sa, kanyane ye ná hyɛ ye nguraen, ofikyɛ ye yeɛ okotua mmenia hemɔ noa maa bɛkɔpɛ asue ne ɔ, na ye yeɛ ɔkɔma bɛ sa kɔha aseɛ bɔ ekonwu ye ne ɔ.’

Deuteronomi 31:14

Na AWURADE sele Mose kyɛ, “Ɔngɔhyɛ biala né awu. Frɛ Yosua ná ɛne ye bɛbra ɛtena sua atenaleɛ nu berɛ, ná mva m’adwuma nwura ye sa.” Yiti Mose ne Yosua bɛhɔle ɛtena sua atenaleɛ nu berɛ.

Deuteronomi 31:23

Afei AWURADE fale ye adwuma wurale Nun awa Yosua sa kyɛ, “Gyina pindinn, ná ma w’ahone yɛ se; ofikyɛ aseɛ bɔ ndale ndaen kyɛ ngɔfa ngɔma Yisraelfoɛ ne, wɔ yeɛ ɛkɔfa bɛ kɔhɔ so ɔ, na ngogyina wɔ si.

Deuteronomi 31:3

AWURADE wɔ Nyameɛ bɔbɔ okoli wɔ nyunu moa kɔpɛ asue ne; na ɔkɔsɛkye maen maen hemɔ kofi wɔ nyunu maa ɛkɔfa b’aseɛ ne. Na Yosua koso okoli wɔ nyunu kɔpɛ asue ne, kyɛbɔ AWURADE aha ne.

Deuteronomi 34:9

Na nworɛ sunzum yili Nun awa Yosua ti anu tɛkyɛɛ, ofikyɛ né Mose afa ye sa wagua ye so; Yisraelfoɛ tiele Yosua dwirɛ, na belili nhyehyɛleɛ bɔ AWURADE fa mane Mose ne aso.

1 Timoteo 4:14

Adom akyɛdeɛ bɔ ɔnate ngɔmhyɛlɛ so ɔne mbanyi mɔ sa bɔ bɛfa beguale wɔ so bɛfa bɛmane wɔ ne, nnɛbu wɔ nye gua so.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

Hebrifoɛ 6:2

asubɔlɛ ahoroɔ nwo ngyerɛkyerɛ, asaa bɔ bɛfa begua sona so, awufoɛ ewutingyelɛ ne ndɛenbualɛ bɔ olle ayieleɛ ne.

Yosua 1:17

Na kyɛbɔ yɛtiele Mose dwirɛ fale nikyee biala nwo nen, sɔ ala yeɛ yɛkotie wɔ dwirɛ ɔ. Yɛsrɛ kyɛ, AWURADE wɔ Nyameɛ oli wɔ si, kyɛbɔ olili Mose si nen.

Maenbulɛfoɛ 11:29

Yeɛ AWURADE Sunzum kanyane Yɛfeta, na Yɛfeta ɔɔpɛle nu Gileade ne Manase. Ɔtoale so hɔle Misepa bɔ ɔwɔ Gileade ne. Ofili Misepa bɔ ɔwɔ Gileade, na ɔpɛle nu fale koɛ ɔɔtoale Amonfoɛ.

Maenbulɛfoɛ 3:10

AWURADE Sunzum kanyane Otiniɛl, na Otiniɛl ɔɔlale Yisrael maen ne noa. Ɔhɔle koɛ, na AWURADE fale Siria hene Kusan Risatim wurale ye sa. Olili Kusan Risatim so ngonim.

1 Samuel 16:18

Na mmerandeɛ nemɔ anu ko buale kyɛ, “Manwu Betlehemniɛ Yese ɔwa bienzua bie kyɛ ɔse ye bɔ paa. Ɔte ahoneserɛniɛ, koɛhonɛniɛ, ye noa ate, ye nwo yɛ nyemene, na AWURADE gyi ye si.”