Numeri 27:14 - AHYERƐLƐ KRONGRON

¹⁴ Ofikyɛ mmerɛ bɔ maen ne dwɔso tiale me wɔ Sen ɛserɛ ne aso ne, ɛmɔyɛle me mmeraa dwirɛ nwo asoserɛ. Ɛmɔamma wanna ali wɔ Yisraelfoɛ nyunu kyɛ nde krongron, wɔ nekaa bɔ nzue wale ne.” (Ɛhe ole Meribate Kadese asue bɔ ɔwɔ Sen ɛserɛ ne aso ne.)

Numeri 27:14 Iomraidhean Croise

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Numeri 13:21

Yiti bɛhɔle bɛɛtetɛle aseɛ ne fi Sen ɛserɛ ne aso maa oodwuli Rehobo bɔ opingye Lebo Hamate ne.

Numeri 20:1

Bosome bɔ oli moa ne anu, Yisrael maen ne amukoraa beedwuli Sen ɛserɛ ne aso, na mmenia ne tenane Kadese. Berɛ yeɛ Miriam wuli ɔ, na berɛ yeɛ besiele ye ɔ.

Numeri 20:24

“Aarɔn kowu kɔɔtoa ye mbanyi mɔ. Ye gya baa ngotia aseɛ bɔ mafa mama Yisraelfoɛ ne aso, ofikyɛ ɛmɔyɛle m’ahyɛdeɛ nwo asoserɛ wɔ Meriba asue nwo.

Numeri 20:5

Nzu ati yeɛ ɛmɔafa yɛ bafi Misraim bawa aseɛ tɛɛtɛɛ ye aso ye? Aseɛ ye ngɔhye aburoo anaa borɔdoma anaa bobe anaa akengaa, na nzue bɔ yɛkɔno ɔ po nne wa.”

Numeri 27:15

Na Mose srɛle AWURADE kyɛ,

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Deuteronomi 1:37

Ɔnate ɛmɔ ti, me koso AWURADE ahone huli me so, na osele kyɛ, ‘Wɔ koso, wɔ gya baa ngotia berɛ.

Deuteronomi 4:22

Me de, sɔ aseɛ he aso ala yeɛ ngowu ɔ, na mengɔpɛ asue Yɔɔdan; nakoso ɛmɔ de, ɛmɔkɔpɛ ye bɛkɔhɔ ye si bɛkɔɔfa sɔ aseɛ paa ne bɛkɔyɛ ɛmɔ deɛ.